یاریگا-
یۆرگن كلۆپی ئەڵمانی و ڕاهێنەری یانەی لیڤەرپولی ئینگلیزی ئامادە نەبوونی دیگۆ جۆتای پورتوگالی بۆ یاریەكەیان بەرامبەر نۆرویچ سیتی ڕاگەیاند.
وا بڕیارە ئەمڕۆ كاتژمێر 18:00 بە كاتی كوردستان لیڤەرپول لە یاریگای خۆیدا میوانداری نۆرویچ سیتی بكات ، لە میانەی یاریەكانی هەفتەی 26ی پریمەرلیگدا.
لە كۆنگرەی ڕۆژنامەوانی پێش یاریەكەیان كلۆپ ووتی: جۆتا پێكانی هەیە و نازانم تا كەی بەردەوام دەبێت ، دەزانین تیمێكی باشمان هەیە بەڵام دەبێت بەردەوام هەوڵ بدەین و بجەنگین.
بەردەوام بوو ووتی: جۆتا ئامادە نابێت بۆ یاریەكەمان بەرامبەر نۆرویچ سیتی ، دەبێت چاوەڕوان بین تا لە پێكانەكەی چاك دەبێتەوە.
جۆتا لەم وەرزەدا لەگەڵ ڕێدز ئاستێكی بەرزی پێشكەش كردووە و بەشداری لە 23 یاریدا كردووە لەم وەرزەی پریمەرلیگدا و توانیویەتی 12 گۆڵ تۆمار بكات و گۆڵێكیش درووست بكات.
