یاریگا–
کارلۆ ئانچێلۆتی، راهێنەری یانەی ریال مەدریدی ئیسپانیا دوای یەکسانبونەکەی بەرامبەر ڤیاریال لە گەڕی 24ـی لالیگا گووتی یانەکەی بێ چانس لەم یارییە کە نەیانتوانی بردنەوە بەدەست بێنن.
راهێنەرەکەی شاهانەکان دوای یارییەکە لە کۆنگرەی رۆژنامەوانیدا گووتی ” یارییەکی باشمان لە یاریزانەکانمان بینی، نیوەی یەکەم ئەوان باشتر بوون، بەڵام نیوەی دووەم هەموو شتێک لە بەرژەوەندی ئێمە بوو، تەنها چانس یاوەرمان نەبوو و نەمانتوانی هیچ گۆڵێک تۆمار بکەین ”.
کارلۆ لە بەردەوامی قسەکانیدا سەبارەت بە چارەنوسی ئەو یاریزانانە بە تایبەت کەریم بێنزێما و مێندی کە بەهۆی پێکان بەشداری ئەو یارییەیان نەکرد گووتی ” ئێمە هەوڵ دەدەین بۆ یاری داهاتوو بەرامبەر پاریس سانجێرمان لە قۆناخی شازدەی چامپیۆنزلیگ هەموو یاریزانەکان ئامادە بکەین ”.
