یاریگا-
پێر ئیمیریك ئۆبامیانگی گابۆنی و هێرشبەری نوێی یانەی بارسێلۆنای ئیسپانی بە دەزگاكانی ڕاگەیاندن ناسێندرا.
بارسێلۆنا سەركەوتوو بوو لە گواستنەوەی ئۆبامیانگ بۆ ڕیزەكانی یانەكەی لە گواستنەوەكانی زستانەدا و گرێبەستەكەشی تا ساڵی 2025 دەبێت و بڕگەیەك لە گرێبەستەكەیدایە كە دەتوانرێت لە ساڵی 2023 كۆتایی بە گرێبەستەكەی بهێنرێت.
لە كۆنگرەی ناساندنی وەك یاریزانی نوێی بارسێلۆنا ئۆبامیانگ ووتی:
بارودۆخی بارسێلۆنا؟
ئۆبامیانگ: بۆ ئەوە هاتوومەتە ئێرە ، بۆ هاواریكردنیان و گەڕاندنەوەیان بۆ شوێنی ئاسایی خۆی
چۆن خۆت دەناسێنیت؟
ئۆبامیانگ: من یاریزانێكی خێرام ، كاتێك لە بەرامبەر گۆڵم هیچ ڕەحمێكم نیە
زیاتر لە 300 گۆڵت تۆمار كردووە و بارسێلۆناش پێوویستی بە
تۆماركردنی گۆڵە ، ئایا ئەوە یەكێك دەبێت لە ئامانجەكانت؟
ئۆبامیانگ: بەڵێ ، پێم وایە دەتوانم لەم ڕووەوە یارمەتی یانەكەم بدەم و ئەوەی لە توانامدا بێت دەیكەم بۆ یارمەتیدانی هاوڕێكانم.
ئۆبامیانگ: بە پێنج زمان قسە دەكەم ، فەڕەنسی ، ئیسپانی ، ئینگلیزی ، ئەڵمانی و ئیتاڵی
ئۆبامیانگ: بارسێلۆنا یانەیەكی گەورەیە پێوویستە چامپیۆنسلیگ بباتەوە ، هەموو شتێك دەكەین بۆ ئەوەی بگەڕێینەوە و بیبەینەوە
ئۆبامیانگ: من زۆر دڵخۆشم هەموو ئەو شتانەی ئەم دوو ڕۆژە ڕوویاندا وەك خەون وابوو
بەڵێنت بە باپیرت دا یاری بۆ مەدرید بكەیت و ئێستا بۆ یانەی بارسێلۆنا یاری دەكەیت؟
ئۆبامیانگ: خێزانەكەم لە ئاڤێلا بوو ، باپیرەم هاندەری ئەتلەتیكۆ مەدرید بوو ، لەبەر ئەو هۆكارە ووتم ڕۆژێك لە ڕۆژان بۆ ڕیاڵ مەدرید یاری دەكەم ، بەڵام ئێستا تەنها دەمەوێت بۆ بارسێلۆنا یاری بكەم
