یاریگا–
فرانک کیسێ، ناوەڕاستکاری کۆتدیڤواری یانەی ئەیسی میلانی ئیتاڵیا ئامادەنیە گرێبەستەکەی لەگەڵ یانەکەی نوێ بکاتەوە و، بریاریداوە هاوینی داهاتوو یانەکەی جێبێڵێت.
رۆژنامەی سەنی بەریتانی ئاشکرای کردووە، هەر یەک لە یانەکانی لیڤەرپوول، تۆتێنهام، بارسێلۆنا و ریال مەدرید داواکاری پێگەیشتووە و ئەو یاریزانە بریاریداوە وەرزی داهاتوو پەیوەندی بە ریزەکانی شاهانەکانەوە بکات و، لەگەڵ بەرپرسانی ئەو یانەیەش دەستی بە گفتوگۆ کردن کردووە.
کیسێ هاوینی داهاتوو گرێبەستەکەی کۆتایی دێت، ئەگەر لەگەڵ یانەکەی لەسەر نوێکردنەوەی نەگەیشتە رێکەوتن، ئەو کات بێ بەرامبەر یانەکەی جێدێڵێت.
