هەڵوێستی ئەتڵەتیکۆ مەدرید لەسەر رووداوەکەی تیروپشکی چامپیۆنزلیگ

یاریگا-ئەمڕۆ لە میانەی تیروپشکی قۆناغی ١٦ی خولی پاڵەوانەکاندا، هەڵەیەکی تیمی تیروپشکەکە گۆڕانکاری بەسەر ئەنجامەکاندا هێنا.

ئەتڵەتیکۆ مەدرید کەمێک لەمەوبەر لە پێگەی فەرمی خۆی رووداوەکەی بە ئابڕووبەرانە ناوبرد و رایگەیاند ئێستا خوێندنەوە بۆ ئەوە دەکەن بزانن کە ئایا دەتوانن تیروپشکەکە دووبارە بکەنەوە یاخود نا..

بەهۆی ئەو هەڵەیەی روویدا، مانچێستەر یونایتد یەکێک نەبوو لە بژاردەکانی ئەتڵەتیکۆ لە کاتێکدا هیچ رێگرێکی یاسایی نیە و لەبری ئەوە رووبەرووی بایەرن میونشن بوونەوە کە یەکێکە لە پاڵێوراوە بەهێزەکان بۆ بردنەوەی ناسناوەکە.