مەهدی بن عەتییە وازهێنانی لە یاریکردن راگەیاند

یاریگا-مەهدی بن عەتییە بەرگریکاری پێشووی یوڤێنتۆس لە تەمەنی ٣٤ ساڵیدا بەیەکجاری وازی لە یاریکردن هێنا.

بن عەتییە لە بەیاننامەیەکدا وتی “من تەنها یەک خەونم هەبوو ئەویش ئەوەبوو ببمە یاریزانێکی پیشەگەر. بۆ ئەوەش زۆر هەوڵ و ماندوبوون و قوربانیدانی ویست بەڵام سوپاس بۆ خوا توانیم بگەم بەوە. من کەسێکی دڵسۆزی تۆپی پێ بووم و ١٥ ساڵ بەردەوام بووم بەڵام بڕیارمدا ئەو قۆناغەی ژیانم بەکۆتا بهێنم”.

مەهدی هەر لە ئیتاڵیا یاری بۆ ئودێنزی و رۆماش کردووە و جگە لەوە یاری بۆ بایەرن میونشن و مارسیلیا ئەنجامداوە و  لە ٢٠١٩ ئەرووپای بەرەو دوحەیلی قەتەڕی جێهێشت. پاشانیش لە سەرەتای ئەمساڵ روویکردە کاراگوموروکی تورکی و پاش تەنها ئەنجامدانی شەش یاری لەگەڵ ئەو یانەیە بەیەکجاری وازهێنانی راگەیاند.