یاریگا-
سێرجیۆ بۆسكێتسی ئیسپانی و كاپتنی یانەی بارسێلۆنای ئیسپانی باس لە جۆری پێكانەكەی دەكات بەرامبەر ئیسپانیۆل.
بارسێلۆنا لە یاریگای خۆیدا میوانداری ئیسپانیۆلی كرد و یاریەكەش بە گۆڵێكی بێ وەڵام لە بەرژەوەندی كوڕانی چاڤی كۆتایی هات ، لە میانەی یاریەكانی هەفتەی 14ی خولی ئیسپانیا.
لە خولەكی 78ی یاریەكەدا بۆسكێتس بەهۆی پێكانەوە یاریگای جێهێشت و ڕیكی بویگ جێگای گرتەوە.
لە دوای یاریەكە ناوەڕاستكارەكەی بلاوگرانا ووتی: هیوادارم كە پێكانەكە ترسناك نەبێت ، هەستم بە ئازار كرد لە پاژنەی پێمدا با پشكنینی بۆ بكەین و بزانین چۆنە.
سەبارەت بە بردنەوەكەیان ووتی: بەشێوەیەكی گشتی یاریەكی باشمان كرد ، ئەنجامەكە دادپەروەر بوو ، هێواش هێواش باشتر دەبین لەگەڵ ڕاهێنەری نوێ.
لە كۆتایشدا ووتی: پێوویستمان بەو بردنەوەیە بوو تا یانەكەمان بەردەوام بێت لە بەرەو پێشچوون ، متمانەمان بە چاڤیە ، ڕێگای ڕاست دەگرینەوە و بەردەوام دەبین لە بردنەوەكان.
بارسێلۆنا بە كۆكردنەوەی 20 خاڵ لە ڕیزبەندی شەشەمی خولی ئیسپانیا دێت دوای تێپەڕبوونی 13 هەفتە.
