یاریگا-
ئەستێرەیەكی یانەی یوڤێنتوسی ئیتالی ناتوانێت لە یاری بەرامبەر لازیۆ لە خولی ئیتالی و چێلسی لە خولی یانە پاڵەوانەكانی ئەوروپادا بەشداری بكات.
لە ئێستادا یوڤێنتوس بەهۆی پێكانی ئەستێرەكانیەوە دەناڵێنێت ئەوانیش جۆرجیۆ كیلینی و پاولۆ دیبالان.
لە یاری هەڵبژاردەی ئیتالیا بەرامبەر ئیرلەندای باكوور ، لە میانەی پاڵاوتنەكانی گەشتن بە جامی جیهانی 2022ی قەتەڕ ، فیدریكۆ بێرناردێسكی تووشی پێكان هات.
هەژماری فەڕمی یوڤێنتوس ڕایگەیاند: پشكنینە پزیشكیەكان كە بۆ فیدریكۆ بێرناردێسكی ئەنجامدراوە دەركەووت كە یارزانەكە پێكانی هەیە لە ماسولكەكانیدا و ماوەی 10 ڕۆژی داهاتوو پشكنینی دیكەی بۆ ئەنجام دەدرێت.
بەوەش ئەستێرەكەی خانمە پیرەكە بەشداری لە چوار یاری داهاتووی یانەكەی ناكات.
