یاریگا–
ئامیناتا دیالۆ، خانمە یاریزانی یانەی پاریس سانجێرمان کە بە تۆمەتی راسپاردنی دوو کەس بۆ لێدانی خەیرا حەمراوی دەستگیر کرابوو ئەمڕۆ ئازاد کرا.
ماڵپەری یۆرۆ سپۆرت بڵاویکردەوە، شەوی چوار شەممەی رابردوو خانمە یاریزانەکەی شازادەکان دەستگیر کرا، بە تۆمەتی ئەوەی دوو پیاوی راسپاردووە لە هاوڕێکەی بدات، بەم هۆیەوە لەلایەن پۆلیسەوە بەبێ هیچ بەڵگەیەک دەستگیر کرا و، دوای لێکۆلینەوەکان ئەو یاریزانە هەموو ئەو تۆمەتانەی رەتکردەوە، بۆیە ئازاد کرا، بەڵام پەراوی لێکۆلینەوەی بەردەوام دەبێت.
سەرچاوەکە ئەوەشی بڵاوکردەوە کە دیالۆ بە پۆلیسی گوتووە ئەو ئاگاداری ئەم بابەتە نیە و، هیچ زانیارییەکیشی لەسەر ئەو دوو کەسە نیە.
