یاریگا-
کارلۆ ئانچێلۆتی، راهێنەری ئیتاڵی یانەی ریال مەدریدی ئیسپانیا لیستی ناوی ئەو یاریزانانەی بڵاوکردەوە کە بۆ یاری بەرامبەر ئۆساسۆنا بانگهێشتکراون.
ماڵپەری فەرمی یانەی ریال مەدرید، لیستی ناوی ئەو یاریزانانەی بڵاوکردەوە، کە لەلایەن راهێنەری یانەکەیان بۆ یاری داهاتوو بانگهێشتکراون، هەر یەکە لە گاریس بەیل، ئیسکۆ، ڤالڤێردی و سێبایۆس بەهۆی پێکان بانگهێشت نەکراون و، بەشداری یارییەکە ناکەن.
ریال مەدرید سبەی چوارشەممە لە گەڕی یازدەی رکابەرییەکانی لالیگا، لە یاریگای سانتیاگۆ بیرنابیۆ میوانداری ئۆساسونا دەکات.
