بۆتراگینۆ باس لە گواستنەوەی مباپێ دەکات
یاریگا–
پرۆسەی گواستنەوەی کلیان مباپێ هێرشبەری فەرەنسی یانەی پاریس سانجێرمانی فەرەنسا، ساردی بەخۆیەوە بینیوە لەم چەند کاتژمێرەی رابردوو و هەموو جیهان چاویان لەوەیە ریال مەدرید ئەو یاریزانە هەر لەم هاوینە بۆ ریزەکانیان بگوازێتەوە.
ئیمیلیۆ بۆتراگینۆ، بەڕێوەبەری پەیوەندییەکانی نێودەوڵەتی یانەی ریال مەدریدی ئیسپانیا سەبارەت بە دەنگۆی گواستنەوەی یاریزانە فەرەنسیەکە دەڵێت ” ئاگاداری ئەوەین کە هاندەران بە پەڕۆشن بۆ یەکلایی بونەوەی داهاتووی مباپێ، هەموو میدیاکانی جیهانیش بە شێوازێکی جیاواز قسەی لەسەر دەکەن، بەڵام ئێمە هیچ شتێکمان بۆ گووتن نیە ”.
یانە ئیسپانیەکە دوو ئۆفەری پێشکەش بە شازادەکان کردووە و چاوەڕێ دەکەن چەند کاتژمێرێک پێشکۆتایی هاتنی وادەی گواستنەوەی یاریزانان وەڵامیان بدرێتەوە، بەڵام تاوەکو ئێستا یانە فەرەنسیەکە بە تەواوەتی خۆیان یەکلایی نەکردووەتەوە.