فەرمی: تۆتنهام كریستیان ڕۆمێرۆی گواستەوە ڕیزەكانی

یاریگا-

یانەی تۆتنهامی ئینگلیزی گواستنەوەی كریستیان ڕۆمێرۆی ئەرجەنتینی و بەرگریكاری یانەی ئەتلانتای ئیتاڵی بۆ ڕیزەكانی ڕاگەیاند.

هەژماری فەڕمی تۆتنهام لە تۆڕی كۆمەڵایەتی تویتەر گواستنەوەی كریستیان ڕۆمێرۆی بۆ ڕیزەكانی ڕاگەیاند و واژۆی لەسەر گرێبەستەكەی تا ساڵی 2026 كرد.

لە بەیاننامەكەدا نرخی گرێبەستەكەی ئاشكرا نەكراوە بەڵام سەرچاوەكان ئاماژە بەوە دەكەن بەرگریكارە ئەرجەنتینیەكە بە بڕی 50 ملیۆن یۆرۆ پەیوەندی بە سپێرزەوە كردووە.