یاریگا–
یانەی لیڤەرپوولی ئینگلیزی کە ماوەیەکە لە وڵاتی نەمسا ئامادەکاری بۆ وەرزی داهاتوو دەکات، کەمێک لەمەوبەر رایگەیاند گرێبەستی فابینهۆ ناوەڕاستکاری بەڕازیلی یانەکەیان تاوەکو هاوینی ساڵی 2026 نوێکردەوە.
ماڵپەری فەرمی یانەی لیڤەرپوولی ئینگلیزی بڵاویکردەوە، لەگەڵ ناوەڕاستکاری بەڕازیلی یانەکەیان گەیشتنە رێکەوتن و گرێبەستی ئەو یاریزانەیان بۆ ماوەی پێنج وەرزی دیکە واتە تاوەکو کۆتایی هاوینی ساڵی 2026 نوێکردەوە.
فابینهۆ لە هاوینی ساڵی 2018 پەیوەندی بە یانەی لیڤەرپوولەوە کردووە و لەو کاتەوە لەگەڵ ئەو یانەیە لە سەرجەم خوڵ و پاڵەوانتیەکان بەشداری 122 یاریکردووە و توانیویەتی سێ گۆڵ و حەوت پاسی گۆڵ تۆمار بکات.
