یاریگا-
تۆماس تۆخێلی ئەڵمانی و ڕاهێنەری یانەی چێلسی ئینگلیزی بە باشترین ڕاهێنەری ئەڵمانیا بۆ ساڵی 2021 دەستنیشانكرا.
بەپێی ڕاپرسەیەكی ڕۆژنامەی كیكەری ئەڵمانی بە كۆكردنەوەی زۆرترین دەنگ و بە 129 دەنگ لە كۆی 563 وەرزشەوان و ڕۆژنامەنووس تۆخێل بە باشترین ڕاهێنەری ئەڵمانیا هەڵبژێردرا و پێش هانز فلیك كەوت كە 118 دەنگی بەدەستهێنا و لە پلەی سێیەمیش ڕاهێنەری بروسیا دۆرتمۆند ئیدین تریزیچ دێت بە كۆكردنەوەی 75 دەنگ.
هەڵبژاردنی تۆخێل وەك باشترین ڕاهێنەری ئەڵمانیا لە كاتێكدا هات كە توانی سەركردایەتی چێلسی بكات بۆ بردنەوەی نازنای چامپیۆنسلیگ ، دوای بردنەوەیان لە مانچێستەر سیتی بە گۆڵێكی بێ وەڵام.
لە ساڵی 2020 هانز فلیك توانی خەڵاتەكە بباتەوە دوای ئەوەی توانی سەرجەم نازناوەكان لەگەڵ بایرن بباتەوە.
