یاریگا–
سێرخیۆ رامۆس، بەرگریکاری ئیسپانی پێشووی یانەی ریال مەدریدی ئیسپانیا ماوەی چەند رۆژێکە بە مەبەستی پەیوەندی کردن بە ریزەکانی یانەی پاریس سانجێرمانی فەرەنسا، گەشتی ئەم وڵاتەکەی کردووە و ئەمڕۆش پشکنینە پزیشکیەکانی ئەو یانەیەی بە سەرکەوتوویی تێپەڕاند.
فابریزیۆ رۆمانۆ رۆژنامەنوسی ئیتاڵی ئاشکرای دەکات بەرگریکارەکەی پێشووی شایانەکان ئەمڕۆ بەشداری پشکنینەکانی یانە فەرەنسیەکەی کردووە و بە سەرکەوتوویی پشکنینەکانی تێپەڕاندووە و چاوەڕێ دەکرێت هەر ئەمڕۆ بە شێوەیەکی فەرمی گرێبەستەکەی رابگەیندرێت و ئەو یاریزانە تاوەکو کۆتایی ساڵی 2023 پەیوەندی بەم یانەیەوە دەکات، بەڵام تاوەکو ئێستا ووردەکاری گرێبەستەکەی و موچەی ئەو یاریزانە ئاشکرا نەکراوە.
رامۆس دوای کۆتایی هاتنی گرێبەستەکەی لەگەڵ یانەی ریال مەدرید لەگەڵ ئەو یانەیە لەسەر نوێکردنەوەی گرێبەستەکەی نەگەیشتە رێکەوتن و دواجار پاش 16 ساڵ ئەو یانەیەی جێهێشت.
