یاریگا-
ڕاپۆرتە ڕۆژنامەوانیەكانی ئەمڕۆی ئیتاڵیا ئاشكرایانكرد ڕۆناڵدۆ داوایەك لە یوڤێنتوس دەكات سەبارەت بە داهاتووی.
دوای كۆتایهاتنی وەرزی 2020/21 زۆربەی سەرچاوەكان ئاماژەیان بە ڕۆشتنی كریستیانۆ ڕۆناڵدۆ دەكرد لە یانەكەی.
بەپێی زانیاریەكانی ڕۆژنامەی لاگازێتا دیلۆ سپۆرتی ئیتاڵی خۆرخی میندیزی بەڕێوەبەری كارەكانی كریستیانۆ ڕۆناڵدۆ بە شێوەیەكی لە ناكاو داوای لە یوڤێنتوس كرد گرێبەستەكەی دۆن تا ساڵی 2023 نوێ بكەنەوە.
ڕۆژنامەكە ئەوەشی ئاشكرا كردووە یوڤێنتوس ئاگاداری ئەوەیە كە میندیز دوا بە دوای كۆتایهاتنی وەرز ڕۆناڵدۆی پێشكەشی پاریس سان جێرمان مانچێستەر یونایتد كردووە ، بەڵام ئەو دوو یانەیە لە ئێستادا گرنگی نادەن بە واژۆكردنی گرێبەست لەگەڵ یاریزانی 36 ساڵان.
هەمان سەرچاوە ئاماژەی بەوە داوە لە ئێستادا خانمە پیرەكە وەڵامی داواكەی میندیز ناداتەوە ، چونكە یاریزانەكە خاوەنی زۆرترین موچەیە لە یانەكە بە 31 ملیۆن یۆرۆ.
