یاریگا–
لە سەرەتای وەرزی نوێ بە دواوە لە جامی شای ئیسپانیا کار بە یاسایەکی نوێ دەکرێت، یاساکەش ئەوەیە چیدیکە کار بەو یاسایە ناکرێت کاتێک گۆڵێک لە دەرەوەی یاریگای خۆت دەکەی بە دوو گۆڵ هەژمار بکرێت.
دوای ئەوەی یوێفا ئەو یاسایەی هەڵوەشاندەوە، فێدراسیۆنی تۆپی پێ ئیسپانیاش لە وەرزی 2021 – 2022 بە دواوە کار بەم یاسایە دەکات، لەمەودوا هەر یارییەک لە یاریگای یەکەم بە یەکسان بوون کۆتایی بێت و بە ئەنجامی 1-1 ئەو کات گۆڵەکەی تیپی میواندار بە دوو گۆڵ هەژمار ناکرێت و ئەگەر ئەو یانەیە لە یاریگای خۆشی بەم ئەنجامە یەکسان بێت، ئەو کات یارییەکە بە لێدانە یەکلاکەرەوەکان یەکلایی دەکرێتەوە.
یوێفا دوێنێ بریاریدا کە لە تەواوی خولەکانی ئەوروپا ئەو یاسایە چیدیکە کاری پێنەکرێت و پێدەچێت لە دوای ئیسپانیا خولەکانی دیکەش کار بەم یاسایە نوێیە بکەن.
