یاریگا-
خوان لاپۆرتای سەرۆكی یانەی بارسێلۆنای ئیسپانی دووپاتیكردەوە كە بە تەواوی گۆڕانكاری لە پێكهاتەی بارسێلۆنادا دەكرێت.
بارسێلۆنا لەم وەرزەدا تەنها جامی شای ئیسپانیای بەدەستهێنا و لە خولی ئیسپانیش لە ڕیزبەندی سێیەم كۆتایی بەم وەرزە دەهێنێت.
لە لێدوانێكی ڕۆژنامەوانیدا لاپۆرتا ووتی: بەمزوانە بڕیاری گرنگ و چارەنووسساز دەدرێت سەبارەت بە داهاتووی یانەكە.
هەروەها ووتیشی: وەك پێشتر ووتومە لە كۆتایی وەرز سەیری هەموو شتەكان دەكەمەوە ، جامی شامان بردەوە و لە چامپیۆنسلیگ كراینە دەرەوە هەروەها بەشێوەیەكی سەیر لە ڕكابەریكردنی لالیگا نەماین.
لە كۆتایشدا ووتی: لە هەفتەی داهاتووەوە زنجیرەیەك بڕیاری گرنگ دەبینین و ڕایدەگەیەنین.
