یاریگا-
یانەی بارسێلۆنای ئیسپانیا پێویستە بەرامبەر ئەنجامدانی یاری ژمارە 50 لەلایەن پێدری یاریزانی لاو بە درێسی یانەکەیان، بڕی نۆ ملیۆن یۆرۆ پێشکەشی یانەی لاس پالماس بکەن.
رۆژنامەی سپۆرتی کەتەلۆنی بڵاویکردەوە، ئەو کاتەی بلاوگرانا ناوەڕاستکارە لاوەکەی لە ساڵی 2019 گواستەوە یانەکەیان، یەکێک لە مەرجەکان بوو هەر کاتێک ئەو یاریزانە 50 یاری بە درێسی یانە نوێیەکەی کرد، ئەو کات پێویستە نۆ ملیۆن یۆرۆی دیکەیان پێ بدرێت، ئەو یاریزانەش لە دوایین یاری یانەکەی بەرامبەر ئاتلێتیکۆ مەدرید گەیشتە ئەو ژمارە یارییە و بەم هۆیەوە بارسا پێویستە ئەو پارەیە پێشکەش بکات.
پێدری لە ساڵی 2019 بەشێوەی خواستن پەیوەندی بە بارسێلۆنا کرد و بەهۆی ئاستە بەرزەکەی گرێبەستەکەی بووە هەمیشەیی و تاوەکو ئێستا لەسەرجەم خوڵ و پاڵەوانتیەکانیش بەشداری 50 یاری کردووە و بەرهەمەکەشی سێ گۆڵ و شەش پاسی گۆڵ بووە.
