مۆناكۆ گاڵتە بە بارسێلۆنا دەكات
یاریگا-
یانەی مۆناكۆی فەڕەنسی گاڵتە بە بارسێلۆنای ئیسپانی دەكات دوای بردنەوەیان لە پاریس سان جێرمان.
مۆناكۆ توانی لە یاریگای پارك دی فرانس لە پاریس سان جێرمان بباتەوە بە دوو گۆڵی بێ وەڵام ، لە میانەی یاریەكانی هەفتەی 26ی خولی فەڕەنسی.
دوای بردنەوەكەیان پەڕەی فەڕمی مۆناكۆ لە تۆڕی كۆمەڵایەتی تویتەر گاڵتە بە بارسێلۆنا دەكات و لە تویتێكدا دوو وێنەی هەردوو یاری هاتن و چوونیان داناوە كە لە هەردوو یاریەكەی خولی فەڕەنسیدا توانیویانە لە پاریس ببەنەوە و نووسیویانە:
” بارسێلۆنا ئەگەر پێوویستتان بە ئامۆژگاریە ، پەیوەندیمان پێوە بكەن ”.
¡Le ganamos al PSG en la ida y en la vuelta! 🔥
Barcelona, si necesitan un consejo envíenos un DM. 📩 pic.twitter.com/nFZomjPeK9
— AS Monaco ES 🇲🇨 (@AS_Monaco_ES) February 21, 2021
ئەوەش لە كاتێكدا دێت كە پاریس سان جێرمان توانی لە یاریگای كامپ نۆوی تایبەت بە بارسێلۆنا لە قۆناغی 16ی خولی یانە پاڵەوانەكانی ئەوروپا بە چوار گۆڵ بەرامبەر گۆڵێك شكست بە بارسێلۆنا بهێنێت.
