یاریگا–
دوای گەڕانەوەیان لە وڵاتەکانیان و کۆتایی هاتنی یارییە نێودەوڵەتیەکان، پشکنینی ڤایرۆسی کۆرۆنا بۆ سەرجەم یاریزانەکانی ریال مەدرید کرا و پشکنینەکەی لوکا یۆڤیچ هێرشبەری ئەو یانەیە پۆزەتیڤ بوو، واتە هەڵگری ڤایرۆسی کۆرۆنایە.
ماڵپەری فەرمی یانەی ریال مەدریدی ئیسپانیا پشت راستی کردووە دوای ئەوەی بەیانی ئەمڕۆ هەینی پشکنینی ڤایرۆسی کۆڤید19 بۆ سەرجەم یاریزانەکانی یانەکەیان کرا، ئەنجامەکەی هێرشبەری سڕبی یانەکەیان پۆزەتیڤ دەرچووە.
سەرچاوەکە بڵاویشی کردووە سەرجەم یاریزانەکانی دیکە پشکنینیان نێگەتیڤ بووە.
