لە پاڵەوانەتییەکانی تێنس و باشترین یاریزانی جیهان بۆ یاریی تۆپی پێ
چیرۆکی سەرنجڕاکێشی دۆمینیک تیم
یاریگا –
پاڵەوانی پێشووی تێنس لەدوای وازهێنانی لەم وەرزشە ئالنگارییەکی نوێ لە ژیانیدا تاقیدەکاتەوە.
دۆمینیک تیم، ئەستێرەی پێشووی تێنسی سەرزەوی دوای وازهێنانی لە تێنس رووی لە جیهانی تۆپی پێدا کردووە. پاڵەوانی 2020ی ئەمەریکا ئۆپن ئێستا دوای دوو وەرز یاریی کردنی لەگەڵ یانەی مناڵی درێسی یانەیەکی دیکە دەپۆشێت.
تیم، کە لە ماوەی یاریی کردنی لە تێنسدا پلەی سێیەمی ریزبەندی جیهانی بەدەستهێنابوو، دوای دوو وەرز لەگەڵ یانەی لیختنشتاینەر، پەیوەندی بە یانەی بادنێر ئەی سی، کە تیپێکە لە خولی پلە دووی ناوچەیی تۆپی پێی نەمسا کرد.
یاریزانە تەمەن 32 ساڵەکە کە بە یەکێک لە کەسایەتییە دیارەکانی نوێترین نەوەی تێنسی جیهانی تێنس دادەنرێت، لە ساڵانی رابردوودا بە ئاشکرا باسی گرنگیدانی بە تۆپی پێ کردووە و چەندین یاری بۆ تیپە ناپیشەگەرەکان کردووە و تەنانەت توانی یەکەم گۆڵی فەرمی خۆی لە خولی ناوچەیی نەمسا تۆمار بکات.
Ex-Grand Slam champion Dominic Thiem joins eighth-tier side in surprise career move https://t.co/z1o9yrsnCx
— talkSPORT (@talkSPORT) July 25, 2026
شایەنی باسە بەڕێوەبەرانی یانەکە جەختیان لەوە کردووەتەوە کە پاڵەوانی پێشووی تێنسی سەرزەوی دەبێت وەک یاریزانانی دیکە هەولێکی زۆر بدات بۆ ئەوەی شوێنی خۆی لە ناو پێکهاتەی سەرەکیدا بەدەستبهێنێت.
یانەی بادنێر ئەی سی بە گواستنەوەی پاڵەوانی جیهان یەکێک لە گرنگترین گرێبەستەکانی مێژووی خۆی کردووە کە ساڵانێک لە بەرزترین ئاستی تێنسدا بەشداری کردووە؛ یاریزانێک کە ئێستا لەبڕی راکێت لەناو یاریگای تۆپی پێدا بە دوای سەرکەوتندا دەگەڕێت.
