دوای یاریی کۆتایی؛ مێسی لە ژووری خۆگۆڕین وازهێنانی خۆی راگەیاندووە

یاریگا –

لیۆنێل مێسی، ئەفسانەی ئەرجەنتین، لەدوای شکستیان لە یاریی کۆتایی مۆندیال 2026 بەرامبەر بە ئیسپانیا، بڕیاری داوە بەیەکجارەکی واز لە یاریی نێودەوڵەتی بهێنێت.

هێرنان کاستێلۆ، رۆژنامەنووسی ئەرجەنتینی بڵاویکردووەتەوە، مێسی لە ژووری خۆگۆڕین وتارێکی کاریگەر و هەستبزوێنی بۆ یاریزانەکان داوە و پێی راگەیاندوون ئەمە دوایین یاریی ئەو بوو بۆ هەڵبژاردەی ئەرجەنتین.

Esa arenga es adentro del vestuario. La de ayer adentro del vestuario fue más emotiva aún porque habló de que era su último partido tbn. El tema es q lo otro es en el pasillo. Como en los otros partidos en los q en el pasilllo tampoco había dicho nada fuerte https://t.co/20OuLRtqU5

— Hernán Castillo (@HernanSCastillo) July 20, 2026

بەگوێرەی زانیارییەکانی هەمان سەرچاوە، لە نێو ئەو ژوورەدا، کە هێشتا یاریزانەکان کاریگەریی شکستەکەیان لەسەر بوو و خەمباری کردبوون، مێسی وەستا، ئەم جارەیان قسەکانی نە شیکردنەوەی تەکتیكی بوون و نە هاندانی سەرکەوتن، بەڵکوو وتارێکی پڕ هەستبزوێن بوو؛ “ئەمە دوا یاریی من بوو بە درێسی ئەرجەنتینەوە، گەشتەکەی من لێرەدا کۆتاییهات.”

کاتێک یاریزانەکان بڕیاری وازهێنانی مێسییان بیست، هێندەی دیکە خەمبار بوون و لە شکستەکەیان زیاتر دڵگرانی کردوون.