تەواو؛ بارسێلۆنا گەوهەرە لاتینیەکەی گواستەوە
یاریگا –
بارسێلۆنا سەرکەوتووبوو لە یەکلایی کردنەوەی گواستنەوەی گەوهەرێکی لاتینی بۆ ریزەکانی.
بەگوێرەی زانیارییەکانی فابریزیۆ رۆمانۆ کە بەشێوەی تایبەت دەستیکەوتووە، بارسێلۆنا گرێبەستی خۆزێ کایسێدۆی ئیکوادۆری یەکلایی کردووەتەوە.
کایسێدۆ تازە تەمەنی 18 ساڵە و لە پێگەی باڵی چەپ و بەرگریی چەپیش یاریی دەکات.
رۆمانۆ پێشتر رێککەوتنی زارەکی نێوان بارسا و یانەی کویتۆی ئیکوادۆریی ئاشکراکردبوو لەسەر گواستنەوەی لاوە درەوشاوەکە.
یانە کەتەلۆنیەکە بەخواستن کایسێدۆ دەنێرێتە تیمی پلە B بۆ وەرگرتنی ئەزموونی زیاتر. بژاردەی کڕینەوەی ناچاریش لە رێککەوتنەکەیاندا چالاکە. بەهای گرێبەستەکەش 2.5 ملیۆن یۆرۆیە.
🔴🔵🇪🇨 Josué Caicedo to Barcelona: exclusive story confirmed, all done. 👋🏼 https://t.co/S0bZWsvja3 pic.twitter.com/UmiY0tALgN
— Fabrizio Romano (@FabrizioRomano) July 13, 2026
