دەنگۆكانی مێركاتۆ؛ ئارسیناڵ وادەی گواستنەوەی خولیان ئالڤارێز دەستنیشاندەکات و هاری کەین گرێبەستەکەی نوێدەکاتەوە

یاریگا –

ئارسیناڵ دەیەوێت بەر لە دەستپێکی ئامادەکارییەکانی وەرزی نوێ گرێبەستی خولیان ئالڤارێز یەکلایی بکاتەوە – ئیندیپێندێنت 

هەموو شتێک یەکلایی بووەتەوە و یۆهان مانزامبی، هێرشبەری فرایبورگ بووە یاریزانی ئاستۆن ڤێلا و نیوکاسڵ لە گواستنەوەی ئەو یاریزانە شکستیهێنا – ئاتلێتیک

پاولۆ ماڵدینی هەوڵدەدات پێپ گواردیۆلا وەکوو راهێنەری هەڵبژاردەی ئیتاڵیا دەستنیشانبکات – لاگازێتا دێلۆ سپۆرت

بایرن میونشن متمانەی تەواوی بەخۆی هەیە لەم هاوینە گرێبەستی هاری کەین نوێدەکاتەوە – تیم تۆک

نیوکاسڵ و لیدز و بۆرنمس ململانێ گواستنەوەی تاریک موهارێمۆڤیچ، بەرگریکاری ساسوۆلۆ دەکەن – فووتبۆڵ ئیتاڵیا

چێڵسی گرنگی بە گواستنەوەی ئادەم وارتن، بەرگریکاری کریستاڵ پاڵاس دەدات دوای ئەوەی مانچێستەر یونایتد و لیڤەرپوول لە گواستنەوەی ئەو یاریزانە ساردبوونەوە – کاوت ئۆفساید

رۆما دەیەوێت گرێبەست لەگەڵ ئالێخاندرۆ گارناچۆ، هێرشبەری چێڵسی و دیێگۆ مۆرێیرا، هێرشبەری سترازبورگ واژۆ بکات – کۆرێری دیلۆ سپۆرت

دوای شکستهێنانی گرێبەستی ئێدەرسن بۆ مانچێستەر یونایتد، ئاتاڵانتا دەیەوێت گرێبەستی ئەو یاریزانە بەڕازیلییە بۆ پێنج وەرزی دیکە نوێبکاتەوە و نیوکاسڵ یونایتد هێشتا گرنگی بە گواستنەوەی دەدات – بێرگامۆ

سەندرلاند گرنگی بە گواستنەوەی ماتیاس سولێ، هێرشبەری رۆما دەدات و نرخی یاریزانەکە 35 ملیۆن یۆرۆیە – نۆرس ئێکۆ

تۆتنهام و نیوکاسڵ یونایتد گرنگی بە گواستنەوەی عومەر مەرمووش، ئەستێرەی میسڕی مانچێستەر سیتی دەدەن – تیم تۆک