یاریزانێکی پێشووی نەورۆز پەیوەندی بە تەڵەبەوە کرد

یاریگا –

نەورۆز سەرکەوتوو نەبوو لە گەڕاندنەوەی هێرشبەری پێشووی و یاریزانەکە پەیوەندی بە یانەی تەڵەبەوە کرد.

ئیبراهیم تۆمیوا، هێرشبەری نایجیری و وەرزی رابردووی زەوڕا بە فەرمی پەیوەندی بە یانەی تەڵەبەوە کرد، نەورۆز هەوڵیدا یاریزانەکە بگەڕێنێتەوە ریزی یانەکەی بەڵام سەرکەوتوو نەبوو لە رازیکردنی یاریزانەکە.

تۆمیوا وەرزی رابردوو لەگەڵ زەوڕا پێنج گۆڵی تۆمار کرد و خاوەن چوار ئەسیستیش بوو لەگەڵ یانەکە، لە وەرزی 2024 _ 2025 له نەورۆزەوە پەیوەندی بە نەورەسەکانی بەغدا کردبوو، یاریزانە نایجیریەکە لە وەرزی 2023 _ 2024 لە یانەی باتنی سعودیەوە پەیوەندی بە نەورۆزەوە کردبوو.