فیفا 89 هەزار لێدوانی نەشیاو لە تۆڕە کۆمەڵایەتییەکان لە کاتی جامی جیهانیدا دەستنیشان دەکات

یاریگا –

نزیکەی 100 کەیس هەن کە بە دەسەڵاتە دادوەرییەکان دەگەیەنرێن. رەگەزپەرستی لە تۆڕە کۆمەڵایەتییەکاندا بەردەوامە لە بەرزبوونەوە.

خزمەتگوزاریی پاراستنی تۆڕە کۆمەڵایەتییەکانی فیفا SMPS رایگەیاندووە کە 89 هەزار پۆستی نەشیاوی لە ماوەی قۆناخی کۆمەڵەکانی جامی جیهانیدا دەستنیشان کردووە، کە زیاتر لە یەک لەسەر دەیان پاڵنەری رەگەزپەرستی لەپشتەوە بووە. تێکڕای هەزار ئەکاونت بۆ لێکۆڵینەوەی زیاتر نیشانە کراون، لە کاتێکدا 181 هەزار لێدوانی رق لێبووەوە وەکوو بەشێک لە پرۆسەی چاودێریکردنەکە شاراونەتەوە.

بەگوێرەی دوایین دۆزینەوەکانی خزمەتگوزاریی پاراستنی تۆڕە کۆمەڵایەتییەکانی فیفا، سووکایەتی رەگەزپەرستی لە تۆڕە کۆمەڵایەتییەکاندا روو لە زیادبوونە و بووەتە هەڕەشەیەکی بەردەوام لەسەر سەلامەتی یاریزانان. هێرشە رەگەزپەرستییەکان 11%ـی سەرجەم نامە نەشیاوەکان پێک دەهێنن، ئەمەش رەگەزپەرستی دەکاتە گەورەترین پۆلێنی لێدوان و پۆستە سووکایەتییەکان. ئەمەش نەوەکوو تەنیا زیادبوونێکی 3% لە بەرامبەر جامی جیهانی 2022 لە قەتەر نیشان دەدات، بەڵکوو بەرزبوونەوەیەکی بەرچاویش لە شێوازە هەرە دزێوەکانی سووکایەتیی ئۆنلاین دەسەلمێنێت.

لەنێوان شەش ملیۆن پۆست و لێدوانی شیکراوەدا، 225 هەزاریان لێکۆڵینەوەیان لەسەر کراوە و زیاتر لە 89 هەزاریان سڕاونەتەوە. وەکوو بەشێک لە پەرەپێدانی بەردەوامی SMPS، ئەم خزمەتگوزارییە بەڵگەش بۆ ئاژانسەکانی جێبەجێکردنی یاسا کۆدەکاتەوە و زیاتر لە 100 کەیس دەستنیشان کراون کە مەرجە یاساییەکانیان تێدایە بۆ ئەوەی رەوانەی دەسەڵاتە دادوەرییەکان بکرێن بۆ بەدواداچوونی یاسایی.