فەرمی؛ دهۆک گواستنەوەی ئەستێرەیەکی راگەیاند

یاریگا –

دهۆک گواستنەوەی موهەنەد جەعاس، بەرگریکاری باڵی چەپی راگەیاند.

دەستەی کارگێڕیی یانەی دهۆک لە درێژەی ئامادەکارییەکانیاندا بۆ وەرزی نوێ، بە فەرمی گرێبەستکردنی لەگەڵ یاریزان موهەنەد جەعاسی راگەیاند، کە وەک بەرگریکاری باڵی چەپ یاری دەکات.

موهەنەد جەعاس یەکێکە لەو یاریزانانەی کە خاوەنی ئەزموونێکی باشی نێودەوڵەتییە لەسەر ئاستی یانەکان؛ پێشتر لە چەندین خولی جیاوازی ئەوروپا و ئەمریکا یاریی کردووە؛ لەوانە خولەکانی سوید، نەرویج و هەروەها ئەزموونێکی لە خولی پیشەگەرەکانی ئەمریکادا هەبووە.

ئەم پاشخانە دەوڵەمەندەی یاریزانەکە وا دەکات ببێتە زیادکراوێکی زۆر گرنگ بۆ پێکهاتەی هەڵۆکانی چیا.