پەیکەرە مێژووییەکەی مێسی؛ تۆمارێکی نوێی جیهانیی بۆ ئەستێرە ئەرجەنتینییەکە
کێشەکەی 70 تۆنە
یاریگا –
تۆمارێکی نوێی جیهانیی دەوری مێسی دەدات، کە ئەویش پەیکەرێکە. رەنگە سەرسوڕهێنەر دیاربێت، بەڵام پەیکەرێکی گەورەی 26 مەتری کە بۆ کاپتنی ئەرجەنتین تەرخانکراوە، پەردەی لەسەر لادرا. ئەم پەیکەرە پێش ئەو پەیکەرە دەکەوێت کە لە هیندستانە و بەرزییەکەی 21 مەترە.
هونەرمەندی نێوخۆیی ئاڵدۆ بێرۆیسا سەرپەرشتیی پڕۆژەکەی کردووە، کە لە تەنیشت رێگای نیشتمانیی 22 و مانوێل ساڤیۆ، لە نزیک کیلۆمەتری 1,332 جێگیرکراوە، کە یەکێکە لە رێگا سەرەکییەکانی چوونە ناوچەکە. پەیکەرەکە مێسی نیشان دەدات کە درێسی تیمی نیشتمانیی ئەرجەنتینی پۆشیوە و جامی جیهانی (مۆندیال)ی بەرزکردووەتەوە کە لە مۆندیالی 2022 لە قەتەر بەدەستی هێنا.
¡EN NEUQUÉN SE INAUGURÓ LA ESTATUA DE MESSI MÁS ALTA DEL MUNDO! 🇦🇷👀
La escultura realizada por el artista Aldo Beroisa se encuentra en Cutral Co, ciudad de Neuquén, y está ubicada sobre la Ruta Nacional 22. Supera a la estatua de Leo en India, que tiene 21 metros.
— TyC Sports (@TyCSports) June 20, 2026
پەیکەرەکە بە چوارچێوەیەکی پۆڵایین و رواڵەتێکی کۆنکرێتی دروستکراوە، ئەمەش دەیکاتە گەورەترین شێوەی بەرجەستەکراوی مێسی لە جیهاندا. کێشەکەی 70 تۆنە. یەکێک لە ئامانجە سەرەکییەکانی پەردەلادان لەسەر ئەم پەیکەرە، پەرەپێدانی گەشتوگوزار بوو لە پارێزگای نێوکن، بۆ هاندانی هاندەرانی مێسی تاوەکوو سەردانی ناوچەکە بکەن.
