شیکاریی جۆ هارت؛ ئایا تۆپی فەرمیی مۆندیال هۆکارە لەوەی گۆڵپارێزەکان ناتوانن رێگری لە لێدانە دوورەکان بکەن؟

یاریگا –

لە ماوەی 24 یاریی یەکەمی مۆندیالی 2026، 75 گۆڵ کراون کە تێکڕای 3.1 گۆڵ بۆ هەر یارییەک دەکات. ئەمەش بەرزترین ژمارەیە کە دوای گەڕی یەکەمی یارییەکانی قۆناخی کۆمەڵەکان لە دوای ساڵی 1958ـەوە کرابێت.

ئەمە وای لە هەندێک لە شارەزایان و شرۆڤەکاران کردووە پرسیاری ئەوە بکەن ئایا ئەمە چ پەیوەندییەکی بە تۆپی فەرمیی یارییەکانی ئەدیداسەوە هەیە، کە بە تریۆندا دەناسرێت. بە لەبەرچاوگرتنی ئەوەی کە لە کۆی گشتیدا 104 یاری دەکرێن، پێدەچێت ئەمە ببێتە پڕگۆڵترین مۆندیال لە مێژوودا. لەگەڵ کۆتاییهاتنی گەڕی یەکەمی یارییەکان، چەندین یاریزان شوێنپەنجەی خۆیان جێهێشتووە.

بەگوێرەی ئامارەکانی ئۆپتا، شەش یاریزان لانی کەم شەش لێدانیان لە یەکەم یاریی خۆیاندا هەبووە، بەڵام تەنیا دووانیان توانیویانە ئەو دەرفەتانە بکەنە گۆڵ: هاری کەینی کاپتنی ئینگلتەرا و لیۆنێل مێسیی ئەستێرەی ئەرجەنتین.

لەگەڵ ئەوەشدا، تاوەکوو ئێستا لە پاڵەوانییەتیی ئەمساڵدا کۆمەڵێک گۆڵکراون کە تێیدا ئەو گۆڵپارێزانەی ناوبانگیان لە گەڕاندنەوەی لێدانە دوورەکاندا هەیە، بەزیون.

جۆردان پیکفۆردی گۆڵپارێزی ئینگلتەرا لە بردنەوەی بەرامبەر کرواتیا بە ئەنجامی 4-2 لە شەوی چوارشەممەدا، دەستی گەیاندە لێدانەکەی مارتن باتورینا لە لێواری ناوچەی سزاوە، بەڵام بەهۆی خێراییەکەیەوە کە 124 کیلۆمەتر بوو لە کاتژمێرێکدا، گۆڵپارێزەکەی ئێڤەرتن نەیتوانی رێگری لە چوونە ناوەوەی تۆپ بۆ نێو تۆڕی گۆڵەکەی بکات.

وەین روونی کە وەکوو شرۆڤەکارێک بۆ BBC قسەی دەکرد، پێی وایە هۆکاری دیکە لە گۆڵەکەدا هەبوون کە لەلایەن ئینگلتەراوە دەکرا رێگرییان لێ بکرێت و گوتی:

ئەمە لەو شوێنەوە دەستپێدەکات کە جود بێلینگهام کەمێک خاو بوو. پاسێکی جوانی کورت درا، بەڵام دواتر پێم وایە جۆن ستۆنز دەیتوانی لەسەر خۆی نەخشێنێت. هیچ مەترسییەکی راستەقینە نەبوو، پیکفۆردیش لە پێگەیەکی باشدا بوو. بەڵام ستۆنز لەسەر شوێنی خۆی نامێنێتەوە و سەرکێشیی کرد. کاتێک ئەو خۆی هەڵدەدات و سەرکێشی دەکات، ئەمە بەو مانایەیە کە پێویستە نیکۆ ئۆرایلی بێتە پێشەوە، ئەمەش شوێنی بۆ رێکخستنێکی جوان و کۆتاییهێنانێکی باش رەخساند. بە بۆچوونی خۆم پێم وایە دەکرا پیکفۆرد بیتوانیبایە کەمێک باشتر مامەڵە لەگەڵ لێدانەکەدا بکات. لێدانەکە کەمێک خێرا بوو، بەڵام ئەو توانی بە تەواوی دەستی لێ بدات. من بە گشتی رەخنەم لە گۆڵپارێزەکان هەیە، بۆیە پێم وایە جۆردان کەمێک نائومێد دەبێت کە تۆپەکە دەچێتە نێو تۆڕەوە.

GOAL!

Martin Baturina levels for Croatia with a fantastic strike from the edge of the box! 🔥

🏴󠁧󠁢󠁥󠁮󠁧󠁿England 1-1 Croatia 🇭🇷#FIFAWorldCup | #beINWC26 | #Croatia pic.twitter.com/OGxDqbocoM

— beIN SPORTS (@beINSPORTS_EN) June 17, 2026

بەڵام جۆ هارت بەرگری لە گۆڵپارێزەکانی ئەم پاڵەوانییەتییە کرد و بانگەشەی ئەوەی کرد کە تۆپی فەرمیی ئەدیداس بۆ یارییەکان بە شێوەیەک دیزاین کراوە کە لە بەرژەوەندیی یاریزانانی نێو یاریگادا بێت. گۆڵپارێزەکەی پێشووی ئینگلتەرا و مانچێستەر سیتی بە BBC گوت:

ئەمە شتێک بوو کە پێشتر لە پاڵەوانییەتییەکەدا تێبینیم کرد. من لەم یارییەدا لە تۆپە بەرزەکاندا تێبینیم کردووە. بە راستی هەست دەکەم ئەم تۆپە خێراتر بەرەو رووی گۆڵپارێز دێت وەکوو لەوەی ئەوان هەستی پێدەکەن کاتێک لە پێی یاریزانەکەوە دەردەچێت. ئەوەی لەمەدا تێبینی دەکرێت ئەوەیە کە پیکفۆرد بەرەو ئەم تۆپە دەچێت و رەنگە بپرسن، ‘بۆچی لەبری دەستی، بە پەنجەگەورەی چوو بۆ تۆپەکە؟’ هەست بەوە دەکرێت کە تۆپەکە زۆر خێرا گەیشتە لای. من لە گۆڵی دووەمی کیلیان ئێمباپێ لە بەرامبەر ئێدوارد مێندی لە یارییەکەی بەرامبەر سێنیگالدا تێبینیم کرد. کاتێک تۆپەکە لە پێی دەردەچێت، بێگومان لێدانێکی باشە، بەڵام مێندی براوەی چامپیۆنزلیگە. ئەو نەیتوانی کاتی بەرزکردنەوەی دەستەکانی بە دروستی رێکبخات. ئەمە لە تۆپە بەرزەکاندا زیاتر و زیاتر هەست پێ دەکەم.

تمريرة أوليسه المذهلة تصل إلى كيليان مبابي الذي حوّلها في شباك المنتخب السنغالي.

📦 اشترك الآن 👇
🔗 https://t.co/DWnvoh4EGW
📱 https://t.co/alkogGtHdW#كأس_العالم2026 | #مونديال2026 | #كأس_العالم#FIFAWorldCup2026 | #FIFAWorldCup | pic.twitter.com/7o27y7MJYs

— beIN SPORTS (@beINSPORTS) June 16, 2026

جۆ هارت لە شیکردنەوەکەیدا بەردەوام بوو، ئاماژەی بە ئەستێرەکەی ئەرجەنتین کرد و گوتی:

ئەمانە گۆڵپارێزی ئاستی جیهانین کە لە مۆندیالدا یاری دەکەن. بۆ گۆڵەکەی لیۆنێل مێسی لە بەرامبەر لوکا زیدانی گۆڵپارێزی جەزائیر، لێدانێکی زۆر ناوازە نەبوو. لێدانێکی باش بوو، بەڵام زیدان زیاتر لە پێویست توانای گەڕاندنەوەی ئەو تۆپەی هەبوو. دیسان، ئەو کاتەکەی بە تەواوی رێک نەخست و وا هەست دەکرێت کە تۆپەکە پێی گەیشتووە پێش ئەوەی دەستی لە پێگەی گونجاودا بەرز بکاتەوە. لەگەڵ بەردەوامی پاڵەوانییەتییەکە و کاتێک یاریزانەکان زیاتر لەگەڵ کەشوهەوا و خێرایی ئەم تۆپە تایبەتەی مۆندیالدا رادێن، ئێمە دەبینین کە ئەم جۆرە لێدانانە دەگەڕێندرێنەوە. ئەمە کێشەیەکی هەماهەنگیی نێوان دەست و چاوە، نەوەکوو پێیەکان. من ناڵێم جۆردان دەبوو گۆڵی یەکەمی کرواتیا بگەڕێنێتەوە، چونکە بەڕاستی لێدانێکی باش بوو. بەڵام لەبەر ئەوەی گۆڵپارێزێکی زۆر باشە و خۆی خستبووە پێگەیەکەوە بۆ گەڕاندنەوەی، تەنیا خێرایی تۆپەکە بوو کە وایکرد کاتی ئەو لێدانەی کە چاوەڕوانی دەکرد رێک نەبێت، بۆیە لە کۆتاییدا بە پەنجەگەورەیدا تێپەڕی، نەوەکوو بە پەنجەکانی بەسەر ستوونەکەدا بینێرێتە دەرەوە.

لە ماوەی دۆڕانەکەی عێراق بە ئەنجامی 4-1 لەسەر دەستی نەرویج 24 کاتژمێر پێشتر، لێدانە بەهێزەکەی ئاکام هاشم وای لە کۆمێنتارەکان کرد وا بیربکەنەوە تۆپەکە چووەتە نێو گۆڵەوە کاتێک لێدانەکەی بەر چوارچێوەی گۆڵەکە کەوت و کەوتە سەر تۆڕەکە.

یەکێک لەو یاریزانانەی کە هیچ دوودڵییەکی نیشان نەداوە لە تاقیکردنەوەی تۆپە نوێیەکەی ئەدیداس، ئاردا گولەری تورکیایە. ئەم یاریزانە 21 ساڵانە نەیتوانی رێگری لە تیمەکەی بکات لە تووشبوون بە دۆڕانی 2-0 لە بەرامبەر ئوسترالیا، بەڵام تاوەکوو ئێستا زیاتر لە هەر یاریزانێکی دیکە لە پاڵەوانییەتییەکەدا تاقیکردنەوەی لێدانی کردووە.

بەڵام، کوالێتیی ئەو دەرفەتانە چیرۆکێکی جیاواز دەگێڕنەوە. هەشت هەوڵەکەی گولەر تەنیا رێژەی 0.26ـی گۆڵە چاوەڕوانکراوەکانی (xG) بەدەستهێنا، ئەمەش سروشتی سەرکێشانەی زۆربەی لێدانەکانی بەرامبەر ئوسترالیادا روون دەکاتەوە، رەنگە بەهۆی هۆشیاریی ئەو بێت لەو خێراییەی کە تۆپەکە مەیلی هەیە پێوەی لە پێی یاریزانەکەوە بڕوات.

یاریزانەکەی هێڵی ناوەڕاستی ریال مەدرید خاوەنی بەهرەیەکی ناوازەیە، ئەو دەرفەتانەی کە ئەو هەڵیبژاردن بۆ لێدان خاوەنی کوالێتییەکی هێندە نزم بوون کە لە رووی مێژووییەوە، چاوەڕوان دەکرێت یاریزانێک تەنیا یەک گۆڵ لەنێو هەر 31 هەوڵێکی هاوشێوەدا بکات، بەگوێرەی مۆدێلی xGـی ئۆپتا.

لەگەڵ ئەوەشدا، ئەو نموونانەی گۆڵ کە تاوەکوو ئێستا کراون ئاماژە بەوە دەکەن کە گەڕی دووەمی یارییەکانی قۆناخی کۆمەڵەکان دەبێتە هۆی ئەوەی راهێنەران رێنمایی یاریزانەکانیان بکەن بۆ تاقیکردنەوەی لێدانی دوورمەودای زیاتر، بەهۆی جووڵە چاوەڕواننەکراوەکانی خولانەوەی تۆپەکەوە.

ئینگلتەرا 22 لێدانی لە بەرامبەر کرواتیادا هەبوو، ئەمەش ئاماژەیە بۆ ئەوەی کە تۆماس توخێل یاریزانەکانی هانداوە بۆ لێدان لە هەر شوێنێکەوە بێت، بە تایبەتی بەهۆی ئەوەی بنمیچی یاریگاکە داخرابوو.

11 – England had 11 shots on target tonight against Croatia, their most in a FIFA World Cup match since 1998 against Colombia (13).

Intent. pic.twitter.com/TmZsadi0Zi

— OptaJoe (@OptaJoe) June 17, 2026

روونی، کە لە کۆتایی کاروانی وەرزشیی خۆیدا لە یانەی دی سی یونایتد لە خولی MLS یاریی کردووە، راهاتبوو لەسەر یاریکردن لەو یاریگایانەی کە بنمیچی جووڵاویان تێدا بەکاردەهێنرا و هێرشبەرەکەی پێشووی ئینگلتەرا و مانچێستەر یونایتد پێی وایە خێرایی تۆپەکە زۆر جیاوازە کاتێک لەنێو هۆڵ یان یاریگای داخراودا یاری دەکرێت. روونی دەشڵێت:

ئەمە جیاوازییەکی گەورە دروست دەکات. کاتێک لە ناوەوە یاری دەکەیت، تۆپەکە زۆر خێراتر دەجووڵێت. لەنێو هەوادا زۆر خێراتر دەڕوات، بۆیە ئەوەی جۆ دەیڵێت تەواو راستە. لەژێر ئاسمانی کراوەدا جیاوازە، ئەمە تەنیا وردەکارییەکی بچووکە، بەڵام ئەو وردەکارییانە جیاوازییەکی گەورە دروست دەکەن.