جواو بۆ ئەم درێسە لەدایکبووە؛ کانسێلۆ بە پەیامێک داهاتووی خۆی روون دەکاتەوە

یاریگا –

پەیامە تەمومژاوییەکەی کانسیلۆ کە پلانەکانی داهاتووی روون دەکاتەوە.

جواو کانسێلۆ بووەتە گرێبەستێکی سەرکەوتوو بۆ یانەکە؛ بە شێوازێکی تاوەکوو رادەیەک چاوەڕواننەکراو لە ماوەی بازاڕی گواستنەوەی کانوونی دووەمدا پەیوەندی بە بارسێلۆناوە کرد و لە کۆتاییدا بووە یاریزانێکی سەرەکیی بێبەرهەڵستکار وەکوو بەرگریکاری چەپی هەڵگەراوە. هەم بەڕێوەبەرانی وەرزشی و هەم هانزی فلیک جارێکی دیکە ئەویان بۆ پڕۆژەکە دەوێت و خودی یاریزانەکەش پەیامێکی لە تۆڕە کۆمەڵایەتییەکان بڵاوکردەوە، کە تێیدا روونی دەکاتەوە بۆ داهاتوو چی دەوێت، ئەگەرچی بە چەند دەستەواژەیەکی ئاڵۆز بوو.

کانسێلۆ نوسوویەتی:

هەندێکجار، گرنگترین بڕیارەکان تەنیا پەیوەندییان بە تۆپی پێوە نییە، بەڵکوو پەیوەندییان بەوەوە هەیە کە بەهرە بە راستی سەر بە کوێیە. بارسێلۆنا تەنیا یانەیەک نییە، بەڵکوو شانۆییەکە کە تێیدا تۆپی پێ دەبێتە هونەر، کە تێیدا یاریزانە تایبەتەکان مێژوو دەنووسنەوە. جواو بۆ ئەم شێوازە، بۆ ئەم درێسە و بۆ ئەم ئاڵەنگارییەکە لەدایکبووە.

لە بارسێلۆنا، ئەو تەنیا یاریزانێکی دیکە نابێت، بەڵکوو دەبێتە قارەمان، سەرکردە و سەرچاوەی ئیلهام. شارەکە، یانەکە و هاندەران ئامادەن بەو شێوازەی شایستەیەتی پێشوازیی لێبکەن. پێی بڵێن گومانی نەبێت. هەندێک رێگا هەن کە پێویست ناکات دوو جار بیریان لێبکرێتەوە. ئێستا کاتەکەیە. بارسێلۆنا چاوەڕوانیەتی.

کانسێلۆ هەمیشە خۆشەویستیی خۆی بۆ بارسێلۆنا و شێوازی تۆپی پێی ئەو یانەیە زۆر روون کردووەتەوە و پێی وایە ئەمە باشترین پڕۆژەیە بۆ کاروانی وەرزشیی ئەو. مەیلی ئەو یاریزانە پۆرتوگالییە ئەوەیە کە هیلال جێبهێڵێت و لانیکەم بۆ ماوەی دوو وەرز لەگەڵ بلاوگرانا یاری بکات. دوای ئەوە، خەونی ئەوە دەبێت کە لە بێنفیکا واز لە یاریکردن بهێنێت، واتە ئەو یانەیەی کە وەکوو یاریزان تێیدا پێگەیشت و لە رابردوودا بە ئاستەم دەرفەتی یاریکردنی تێدا بۆ رەخسا.

ئێستا ململانێكە لەسەر گفتوگۆکانی نێوان بارسێلۆنا و هیلال چڕبووەتەوە بۆ گەیشتن بە رێککەوتنێک کە تەواوی لایەنەکان رازی بکات. یانە کاتالوونییەکە هیوادار بوو گرێبەستەکەی هەڵبوەشێنرێتەوە تاوەکوو بتوانێت ئەو یاریزانە پۆرتوگالییە بە خۆڕایی بگوازێتەوە، بەڵام دەزانن کە ئەمە ئەستەمە. یانە سعوودییەکە بە بینینی بەرزبوونەوەی بەهای یاریزانەکە، داوای لانیکەم 10 ملیۆن یۆرۆ دەکات و گفتوگۆکانیش لەمبارەیەوە بەردەوامن. کانسێلۆ خۆشی ئامادەیە دەستبەرداریی بەشێک لە پارەکانی ببێت و مووچەکەی کەم بکاتەوە تەنیا بۆ ئەوەی لە کامپ نۆو بمێنێتەوە.