یاریگا –
ئەمڕۆ پینی زاهاڤی، گەورە بریکاری یاریزانان و راهێنەرانی تۆپی پێ، لە چەند شارێکی گەورەی ئەرووپا بینراوە.
زاهاڤی ئیسرائیلیە و بریکاری چەندین ئەستێرەی ناوداری تۆپی پێیە کە دیارترینیان رۆبێرت لیڤاندۆڤسکی، داڤید ئالابا، کریستۆفەر ئێنکوکو، جۆناسان تا و گابریێل ڤیێگا و یانیک کارساکۆ. جگە لە یاریزان، زاهاڤی بریکاری هانزی فلیکی راهێنەری بارسێلۆناشە.
دوای ئەوەی ئەمڕۆ لە شاری بارسێلۆنای ئیسپانیا بینرا، مێدیاکانی ئەو وڵاتە بەشێک لە مەبەستی سەردانەکەیان ئاشکراکرد کە پەیوەستە بە گرێبەستەکەی فلیکەوە.
بەگوێرەی زانیارییەکانی فلۆریان پلێتنبێرگ، زاهاڤی لە هاتووەتە بارسێلۆنا بۆ روونکردنەوەی زیاتری وردەکاریی گرێبەستە نوێیە چاوەڕوانکراوەکەی فلیک.
خوان لاپۆرتا لە هەڵمەتەکانی هەڵبژاردنی سەرۆکایەتی یانە کەتەلۆنیەکەدا یەکێک لە هەرە دروشمە دیارەکانی کە توانی کێبڕکێکە بباتەوە، بانگەشەی نوێکردنەوەی گرێبەستی راهێنەرە ئەڵمانیەکەی بوو.
رۆژنامەنووسەکەی سکای ئەوەی ئاشکراکردووە کە فلیک رازی بووە بە نوێکردنەوەی گرێبەستەکەی تا ساڵی 2028، لەکاتێکدا بژاردەی ئەوەشی خرابووە بەردەست بۆ چوار ساڵ نوێی بکاتەوە، بەڵام خۆی بەمەبەست ماوەیەکی کورتتری هەڵبژارد.
🚨⏳✍️ As planned: Pini Zahavi is now in Barcelona to clarify the final details. Hansi Flick could also have signed a new four or five-year contract, but deliberately wanted a shorter duration.
The new contract will run until at least 2028. The one-year option is set to be… https://t.co/vT9ny1bmRB
— Florian Plettenberg (@Plettigoal) May 6, 2026
