یاریگا –
یاریزانێکی ریال مەدرید بەهۆی ئەو پێکانەی لە یاریی شەوی رابردوو بەرامبەر ئیسانیۆل تووشی هات، پێویستی بە نەشتەرگەریی دەبێت.
ریال مەدرید کە ئێستا پلەی دووەمی ریزبەندیەکەیە و تا رادەیەکی زۆر هیوای نەماوە بۆ بردنەوەی نازناوی لالیگا، لە هەفتەی 34ی خولی ئیسپانیا بووە میوانی ئیسپانیۆل و بە دوو گۆڵی ڤینیسیۆس جونیۆر گەڕانەوە بۆ مەدرید، بەڵام فێرلاند مێندی هەر لە چارەکی یەکەمی یارییەکە تووشی پێکان هات و لە خولەکی 14 گۆڕانکاریی ناچاری بۆکرا.
بەگوێرەی زانیاریی سەرچاوە باوەڕپێکراوەکان، ئەم وەرزە بۆ بەرگریکارە فەڕەنسیەکە کۆتایی هاتووە.
نەک هەر ئەوە، کادێنا کۆپ جۆر و ئاستی پێکانەکەی ئاشکراکردووە و زانیویەتی کە لە ڕانی راستیدایە و لە رۆژانی داهاتوودا نەشتەرگەریی بۆ ئەنجام دەدرێت. بەوەش ناوبراو بۆ ماوەی 5 مانگ دووردەکەوێتەوە.
🚨Nueva lesión de larga duración para Ferland Mendy
🏥 El Real Madrid ha confirmado que al francés se le ha diagnosticado una lesión en el tendón del recto femoral de la pierna derecha
🔙 Podría estar unos cinco meses de bajahttps://t.co/rnvpZ8vbvi
— COPE (@COPE) May 4, 2026
