یاریگا –
بەرەبەیانی رۆژی یەکشەممە، پێش دەستپێکردنی یارییەکەی نێوان مانچێستەر یونایتد و لیڤەرپوول لە یاریگای ئۆڵدترافۆرد، سێر ئالێکس فێرگسنی راهێنەری مێژوویی شەیتانە سوورەکان رەوانەی نەخۆشخانە کرا.
هۆکاری رەوانەکردنی فێرگسنی تەمەن 84 ساڵ بۆ نەخۆشخانە تەنیا وەکوو رێوشوێنێکی خۆپارێزی بووە و هیچ حاڵەتێکی لەناکاوی تەندرووستی نەبووە، هەروەها سەرچاوەیەکی نزیک لە فێرگسن بۆ تۆڕی ئاتلێتیک ـی پشتڕاستیکردووەتەوە کە ئەو گەڕاوەتەوە ماڵەوە و دۆخی تەندرووستی باشە و پشکنینەکانی بەسەرکەوتوویی بۆ کراوە.
Sir Alex Ferguson was taken to hospital ahead of Manchester United’s fixture against Liverpool at Old Trafford on Sunday.
Ferguson, United’s most successful manager, was in the tunnel area ahead of the game before being taken to hospital as a precaution.
Full story from… pic.twitter.com/Ln46Rcq6Dc
— The Athletic | Football (@TheAthleticFC) May 3, 2026
مایکل کاریك، راهێنەری مانچێستەر یونایتد، دوای یارییەکە ئاماژەی بەوە کرد کە هەواڵەکەی بیستووە و هیوای باشبوونی بۆ خواستووە، هەروەها بردنەوەی یارییەکەش بە ئەنجامی 3-2 وەکوو پاڵپشتییەک بۆ ئەو وەسف کرد.
فێرگسن پێش یارییەکە لەگەڵ دکتۆر عاسم مالھۆترا کە پزیشکی دڵە، وێنەی گیراوە و لە تۆڕە کۆمەڵایەتییەکان بڵاوکراوەتەوە. شایەنی باسە لە ساڵی 2018 فێرگسن تووشی خوێنبەربوونی مێشک بوو و نەشتەرگەرییەکی سەختی بۆ کرا، بەڵام هیچ ئاماژەیەک نییە کە ئەم رووداوەی دوێنێ پەیوەندی بەو نەخۆشییەی پێشووەوە هەبێت.
