یاریگا –
خۆسێلۆ، هێرشبەری پێشووی ریال مەدرید لە کۆتایی ئەم وەرزە گرێبەستەکەی لەگەڵ غەرافی قەتەڕی کۆتایی دێت و چەند یانەیەکی ئەوروپا بایەخ بە گواستنەوەی دەدەن.
ماتیۆ مۆریتۆ، رۆژنامەنووسی باوەڕپێکراوی رۆژنامەی مارکا بڵاویکردووەتەوە، گرێبەستی خۆسێلۆی تەمەن 35 ساڵ لەگەڵ یانەی غەراف لە کۆتایی وەرز بەسەردەچێت و نوێ ناکرێتەوە.
Exclusiva. Joselu finaliza su contrato con el Al-Gharafa SC al final de esta temporada y ahora es agente libre, listo para una nueva aventura.
El delantero español de 35 años, que hizo historia en el Real Madrid al conquistar una histórica Champions durante la temporada 23/24,… pic.twitter.com/S1XWCQ1d6z
— Matteo Moretto (@MatteMoretto) March 28, 2026
یاریزانێکی ئازاد و ئەزموونێکی نوێ
بەگوێرەی زانیارییەکانی هەمان سەرچاوە، خۆسێلۆ لە کۆتایی وەرز دەبێتە یاریزانێکی ئازاد، ئامادەیە بۆ تاقیکردنەوەی ئاستەنگییەکی نوێ لە کاروانی وەرزشیدا. هێرشبەرە ئەزمووندارە ئیسپانییەکە، لە وەرزی 2023/ 2024، رۆلێکی گەورەی لە بردنەوەی نازناوی چامپیۆنزلیگ گێڕا و ناوی خۆی لە مێژووی ریال مەدریددا نووسییەوە. ئێستا چەندین بژاردەی گەورەی لەبەردەستە.
گەڕانەوە بۆ کیشوەری ئەوروپا؟
سەرچاوەکە ئاماژەی بەوەش کردووە، چەندین یانەی ئەوروپی لە ئێستاوە دەستیان بە جووڵەکانیان کردووە و ئارەزووی خۆیان بۆ گواستنەوەی گۆڵکارەکەی پێشووی مێرێنگی دەربڕیوە. چاوەڕوان دەکرێت لە هەفتەکانی داهاتوودا، خۆسێلو بڕیاری کۆتایی لەسەر داهاتووی خۆی بدات؛ دەگەڕێتەوە لالیگا یاخود ئەزموونێکی دیکە لە ئەوروپا تاقیدەکاتەوە.
خۆسێلۆ بۆ ماوەی وەرزێک بە خواستن بە درێسی ریال مەدرید 51 یاریی کرد، توانی 19 گۆڵ بکات و سێ گۆڵیش بۆ هاوڕێکانی دروستبکات، دواتر بە بڕی ملیۆنێک یۆرۆ پەیوەندی بە غەراف کرد، لەگەڵ یانە قەتەڕییەکە لە 57 یارییدا، 27 گۆڵی کردووە و پێنج گۆڵیشی دروستکردووە.
