یاریگا –
بارسێلۆنا ئامادەکاریی بۆ قۆناخێکی دیکەی گەورە لە نۆژەنکردنەوە و گەشەپێدانی زیاتری یاریگای سپۆتیفای کامپ نۆو دەکات و پلانی هەیە بنمیچ بۆ یاریگاکە دروستبکات.
پێگەی The Touchline لە تۆڕی ئێکس لە زاری چەند سەرچاوەیەکی نێو کارگێڕیی بارسێلۆنا بڵاویکردووەتەوە، بەرپرسانی یانەی بارسێلۆنا دەیانەوێت بمنیچ بۆ یاریگای کامپ نۆو دروستبکەن.
🚨💣 𝐄𝐗𝐂𝐋𝐔𝐒𝐈𝐕𝐄: Sources close to the Barcelona management have informed us that the club plans to start installing a roof for the Camp Nou in 2027.
This process will take months, and will not allow the team to play in the stadium until the work is completed.
The main… pic.twitter.com/6EizLj3h48
— The Touchline | 𝐓 (@TouchlineX) March 21, 2026
پڕۆسەکە کەی دەستپێدەکات جێبەجێکردنی چەند دەخایەنێت؟
بەگوێرەی زانیارییەکانی هەمان سەرچاوە، پڕۆسەکە لە سەرەتای ساڵی 2027 دەستپێدەکات، جێبەجێکردنیشی چەندین مانگ دەخایەنێت و بلاوگرانا ناتوانێت یاریی تێبدات تاوەکوو کارەکانی پڕۆژەکە بە تەواوەتی کۆتاییان دێت.
بارسێلۆنا لەکوێ یاریی دەکات و کەی دەگەڕێتەوە کامپ نۆو؟
بیرۆکەی سەرەکی ئەوەیە یانە کاتالوونییەکە تاوەکوو تەواوبوونی کامپ نۆو لە یاریگای ‘بارسا ئاتلێتیک’ یاریی بکات کە تایبەتە بە تیپی دووەمی یانەکە و یارییەکانی قۆناخی یەکەمی وەرزی 2027- 28 لەو یاریگایە بکات. یاریگای مۆنجویک یەکێکی دیکەیە لە بژاردەکان و دەکرێت بارسێلۆنا یارییەکانی بۆ ئەو یاریگایە بگوازێتەوە. سەرچاوەکە ئەوەشی خستووتەڕوو، بەرپرسانی بارسێلۆنا دەیانەوێت بۆ مانگی یەکی ساڵی 2028 بگەڕێتەوە کامپ نۆو.
