یاریگا –
تۆتنهام دەچێتە کێبڕکێی گواستنەوەی سێرهیۆ گیراسی، هێرشبەری بۆرووسیا دۆرتمۆند و دەیەوێت لە مێرکاتۆی هاوینە یاریزانەکە بگوازێتەوە.
رۆژنامەی بێڵد بڵاویکردووەتەوە، تۆتنهام ئارەزووی گواستنەوەی گیراسی دەکات و هەوڵەکانی بۆ بەدەستهێنانی واژۆی یاریزانەکە دەستپێکردووە.
🚨 NEW from @BILD:#thfc are keen on Borussia Dortmund striker Serhou Guirassy.
Spurs are looking to rebuild in the summer and Guirassy is set to be a key target.
Tottenham have even been to watch his last five matches. https://t.co/C92f4EJO5T
— Daily Hotspur (@Daily_Hotspur) March 17, 2026
سەرچاوەکە دەشڵێت، تۆتنهام لە نزیکەوە چاودێری هێرشبەرە 30 ساڵانییەکە دەکات، لە چەندین یاریی دۆرتمۆند ئامادەبوون تاوەکوو لە نزیکەوە لە تواناکانی دڵنیاببنەوە، هەروەها بەرپرسانی یانەکە پەیوەندیان لەگەڵ نوێنەرانی یاریزانەکە کردووە.
بەگوێرەی زانیارییەکانی هەمان رۆژنامە، گیراسی نزیک بوو لەوەی روو لە خولی سعوودی بکات بەڵام بەهۆی جەنگ و ئاڵۆزییەکانی رۆژهەڵاتی ناوەڕاست، یاریزانەکە لەو بژاردەیە پەشیمانبووەتەوە.
گیراسی تاوەکوو هاوینی ساڵی 2028 گرێبەستی لەگەڵ یانە ئەڵمانییەکەدا هەیە، بڕگەی هەڵوەشاندنەوەشی 50 ملیۆن یۆرۆیە، بەڵام ئەو بڕگەیە تەنیا بەسەر یانەکانی وەکوو ریال مەدرید، بارسێلۆنا و خولی سعوودی جێبەجێدەکرێت و تۆتنهام ناگرێتەوە.
جگە لە تۆتنهام، یانەی ئەیسی میلان بایەخ بە گواستنەوەی یاریزانەکە دەدات و چاودێری دۆخی هێرشبەرە ئەزمووندارەکە دەکات.
گیراسی تاوەکوو ئێستا لە سەرجەم پاڵەوانێتییەکان 88 یاریی لەگەڵ دۆرتمۆند کردووە، 55 گۆڵی کردووە و 15 گۆڵیشی دروستکردووە.
