پۆلیس لێکۆڵینەوە لە رووداوەکانی یاریی نێوان سێڵتک و گلاسکۆ رەینجەرز دەکات

یاریگا –

جارێکی دیکە دێربیی نێوان سێڵتک و رەینجەرز شەڕ و ئاڵۆزی بەخۆیەوە بینی و جامی سکۆتلاند شەوێکی رەشی بەڕێکرد.

شەوی رابردوو لە یاریی کۆتایی چارەگی کۆتایی جامی سکۆتلاند لە یاریگای ئیبرۆکس سێڵتک و رەینجەرز رووبەڕووی یەکتر بوونەوە و سێڵتک بە لێدانی یەکلاییکەرەوە یارییەکەی 4-2 بردەوە. لەدوای هاتنە ناوەوەی هاندەرانی سێڵتک بۆ ئەوەی ئاهەنگ لەگەڵ یاریزانان بگێڕن، شەڕ و ئاڵۆزییەکی گەورە روویدا و پۆلیسی وڵاتەکە لێکۆڵینەوەکانی دەستپێکردووە.

چەند ساتێک دواتر ژمارەیەکی زۆر لە هاندەرانی رەینجەرز هاتنە نێو یاریگا، ئەوەش وایکرد ستاف و ئاسایشی نێو یاریگا دەستتێوەردان بکەن. سەرپەرشتیاری یارییەکە رایگەیاند چەندین هاندەر تۆمەتی ئاژاوەگێڕی و نانەوەی پشێوەی دەستگیرکراون.

“It is an ugly, ugly end to what has been a superb game of football”

Chaos breaks out on the pitch at Ibrox as both sets of fans end up on the pitch following Celtic’s penalty shootout win over Rangers pic.twitter.com/m8cmSHEkGM

— Premier Sports (@PremSportsTV) March 8, 2026

دواتر یەکێتی تۆپی پێی سکۆتلاند بە توندی سەرکۆنەی رووداوەکە و هەڵسوکەوتەکانی نێو یاریگای کرد، رایگەیاند کە بە هاوکاری پۆلیس و هەردوو یانە لێکۆڵینەوە دەستیپێکردووە.

The Scottish FA condemns the behaviour from supporters entering the field of play following today’s Scottish Gas Scottish Cup Quarter-Final at Ibrox Stadium.

An investigation will be carried out immediately in line with the Judicial Panel Protocol.

— Scottish FA (@ScottishFA) March 8, 2026

دێربیی نێوان سێڵتک و رەینجەرز یەکێکە لە توندترین رکابەرییەکانی تۆپی پێی جیهان، بە شێوەیەکی گشتی هەمیشە رێوشوێنی ئەمنی توند لە یارییەکانی نێوان ئەو دوو یانەیە دەگیرێتەبەر.