یاریگا –
پاولۆ ماڵدینی ئەفسانەی ئیتاڵی بەشێوەیەکی تایبەت جێرارد مارتنی یاریزانی بارسێلۆنا بەسەردەکاتەوە.
لەدوای ئەو لێدوانەی جێرارد مارتن لە مانگی دیسەمبەر کە رایگەیاند هاوتیمەکانی لە ژووری جلگۆڕین پێێ دەڵێن “جێرارد ماڵدینی”، ئەفسانەکەی ئیتاڵیا و ئەیسی میلان بە ناردنی درێسێکی تایبەتی خۆی بەرگریکارەکەی بارسا خەڵات دەکات.
جێرارد بە رەگەزێکی گرنگی یانە کاتالوونیەکە دادەنرێت بۆ پرۆژە دوورمەوداکەیان بە راهێنەرایەتی هانزی فلیک.
ماڵدینی درێسێکی سەردەمی ئەیسی میلانی با واژۆی خۆی بۆ مارتن نارد وەکوو هاندانێک و پاڵپشتی بەرگریکارە 24 ساڵیەکە. لای خۆشیەوە جێرارد بە بڵاوکردنەوەی دیارییەکەی ماڵدینی بە زمانی ئیتاڵی نووسی “هەزاران سوپاس”!
👕🎁 Paolo Maldini has sent his own match worn shirt from back in the days to Barcelona defender Gerard Martin.
Nice gesture following Martin’s comments on Maldini as idol + teammates calling him ‘Gerard Maldini’. pic.twitter.com/cH2t77qREi
— Fabrizio Romano (@FabrizioRomano) February 28, 2026
