زاخۆ پێکهاتەی مانگی رابردووی خولی نایابی کوردستانی داگیر کردووە

یاریگا –

پێکهاتەی باشترینەکانی مانگی رابردووی خولی نایابی کوردستان ئاشکرا کرا و زۆرترین یاریزانی زاخۆ لە پێکهاتەکەدا دەبینرێت.

بە هۆی ئەنجامە باشەکانیان لە مانگی کانوونی دووەم، دوو یاریزانی زاخۆ لە پێکهاتەی سەرەکی باشترینەکاندا هەن و یاریزانێکیش لە یەدەگی پێکهاتەکەدایە، یوسف ئەیوبی ناوەڕاستکار و محەمەد عەبدوڵای هێرشبەر لە پێکهاتەی سەرەکین، عەبدولخالق عەبدولستاریش لە یەدەگی پێکهاتەکە دەبینرێت.

بەناڤ ئەحمەد، راهێنەری زاخۆ کە لە چوار یاریی لە مانگی رابردوو سێ سەرکەوتن و شکستێکی هەبوو، راهێنەرایەتی پێکهاتەی باشترینەکان دەکات، محەمەد سەرخێڵ، گۆڵپارێزی شێروانە لە پێکهاتەی سەرەکی یاریی دەکات دوای ئەوەی لە چوار یارییدا سێ کلین شیتی کرد و یەک گۆڵیشی لێ تۆمار کرا.

پێکهاتەی باشترینەکانی مانگی کانوونی دووەمی 2026