فەرمی؛ تۆتنهام گواستنەوەی ئەستێرەیەكی راگەیاند

یاریگا –

یانەی تۆتنهامی ئینگلیزی بەفەرمی گواستنەوەی كۆنۆر گالاگێری ئینگلیزی یاریزانی یانەی ئاتلێتیكۆ مەدریدی بۆ ریزەكانی یانەكەی راگەیاند.

هەژماری فەرمی تۆتنهام لە پلاتفۆرمی ئێكس گواستنەوەی گالاگێری بۆ ریزەكانی یانەكەی راگەیاند.

“I’m here to give everything.” pic.twitter.com/ECxshCP2AZ

— Tottenham Hotspur (@SpursOfficial) January 14, 2026

گالاگێر بە بەهای 40 ملیۆن یۆرۆ و بۆ ماوەی 5 ساڵ پەیوەندی بە تۆتنهامەوە كرد.

لە دوای پەیوەندیكردنی بە تۆتنهامەوە، گالاگێر گوتی:

‎زۆر دڵخۆشم و بەپەرۆشم كە لێرەم، هەنگاوی داهاتووی كاروانی وەرزشیم لە یانەیەكی سەرسوڕهێنەر دەبێت. دەمویست پەیوەندی بە تۆتنهامەوە بكەم و خۆشبەختانە ئەوانیش هەمان ویستیان هەبوو، هەربۆیە كارەكە ئاسان بوو بەخێرایی روویدا، ئامادەم بۆ ئەوەی لە داهاتوودا روودەدات.

گالاگێر هاوینی 2024 بەبڕی 42 ملیۆن یۆرۆ لە چێڵسییەوە پەیوەندی بە ئاتلێتیکۆ مەدرید کرد. بەهای ئێستای لە بۆڕسەی یاریزانان 35 ملیۆن یۆرۆیە.

گالاگێر لە سەرجەم پاڵەوانێتییەکان 77 یاریی بۆ رۆخی بلانکۆس کردووە، 7 گۆڵی کردووە و 7 گۆڵی دروستکردووە.