تەواو؛ وادەی دەستبەکاربوونی راهێنەری نوێی مانچێستەر ئاشکرا دەکرێت

یاریگا –

مایکل کاریک، یاریزانی پێشووی مانچێستەر یونایتد بەشێوەیەکی کاتی دەبێتەوە راهێنەری شەیتانە سوورەکان.

رۆژنامەی دەیلی مەیڵ بڵاویکردووەتەوە، مانچێستەر یونایتد گفتوگۆی چڕی لەگەڵ مایکل کاریک و ئۆلێ گونار سۆلشایەر کردووە، گەیشتوونەتە ئەو بڕوایەی کاریک بژاردەیەکی گونجاوترە و سۆلشایەر نابێتە راهێنەری یانەکە.

هەر بەگوێرەی هەمان سەرچاوە، پێشبینی دەکرێت لە 48 کاتژمێری داهاتوو مانچێستەر یونایتد لە بەیاننامەیەکی فەرمی گەڕانەوەی کاریک رابگەیەنێت.

🚨MANCHESTER UTD INTERIM
🔴Michael Carrick currently in Manchester having talks
⚫️Aim is for announcement in next 48 hours
🔴Details incl. backroom staff being ironed out
⚫️Should take training Wedshttps://t.co/nHw16COjbf#MUFC

— Mike Keegan (@MikeKeegan_DM) January 12, 2026

رۆژنامە بەریتانییەکە ئاماژەی بەوەش کردووە، کاریک چوارشەممە 14ـی کانوونی دووەم وەک راهێنەری مان یونایتد دەستبەکاردەبێت و سەرپەرشتی مەشقەکانی یانەکەی دەکات.

کاریک پێشتر لە 21ـی نۆڤێمبەری 2021 تاوەکو 3ـی دێسێمبەری 2021 بەشێوەیەکی کاتی لە سێ یاریی راهێنەری مانچێستەر یونایتد بووە.

لە پرێمەرلیگ 3-2 لە ئارسیناڵی بردەوە و 1-1 لەگەڵ چێڵسی یەکسانبوو، لە چامپیۆنزلیگیش تیپەکەی 2-0 لە ڤیاڕیالی بردەوە.