Loading...
ئه‌مریکاگرنگترین

بە تاکە گۆڵی ئەستێرەیەکی پێشووی ریال مەدرید؛ فلامێنگۆ بووە پاڵەوانی جامی لیبێرتادۆرێس

فلامێنگۆ رووبەڕووی کروز ئازوول دەبێتەوە

Yariga App

یاریگا –

فلامێنگۆی بەڕازیلی جامی لیبێرتادۆرێسی بۆ پاڵەوانانی ئەمریکای باشوور بردەوە.

یانە بەڕازیلییەکە لە یاریی کۆتاییدا 1-0 لە پالمێراسی هاووڵاتی خۆی بردەوە، لەو یارییەی لە لیمای پایتەختی پیرو کرا.

دانیلۆ، ئەستێرەی پێشووی ریال مەدرید تاکە گۆڵی یارییەکە بە لێدانی سەر لە خوولەکی 67 کرد.

فلامێنگۆ بە سەرکردایەتی فێلیپێ لویز، بەرگریکاری پێشووی ئاتلێتیکۆ مەدرید و چێڵسی، بۆ چوارەمجار لە مێژوودا بووە پاڵەوانی کۆپا لیبێرتادۆرێس و زیاتر لە ئیندیپێندیێنتێ ئەرجەنتینی نزیکبووەوە، کە بە حەفت نازناو خاوەن ژمارەی پێوانەییە.

فلامێنگۆ بووە خاوەنی زۆرترین نازناو لەسەر ئاستی یانەکانی بەڕازیل، دوای پێشکەوتنی بەسەر پالمێراسی خاوەن سێ جام.

لە شەش وەرزی رابردوودا، پێنج جار دوو یانەی بەڕازیلی گەیشتوونەتە یاریی کۆتایی و ساڵی رابردووش، بۆتافۆگۆ لە ئاتلێتیکۆ مینێرۆی بردەوە و بووە پاڵەوان.

فلامێنگۆ دوای بردنەوەی نازناوەکە، لە پاڵەوانیەتی ئینتەرکۆنتینێنتال رووبەڕووی کروز ئازوولی مەکسیکی و پاڵەوانی کۆنکاکاف دەبێتەوە، دواتر براوەی یارییەکە بەرامبەر پیرامیدزی میسڕی یاریی دەکات.

بابەتی زیاتر

Back to top button