یاریگا –
لە ماوەی چەند هەفتەی رابردوودا دەنگۆکان لەسەر داهاتووی ڤینیسیۆس جۆنیۆر لەگەڵ ڕیاڵ مەدرید زیادیان کردووە.
نوێترین ڕاپۆرتەکان ئاشکرای دەکەن یانەی مانچێستەر یونایتد بە زیرەکی دەجووڵێت بۆ ئەوەی دەرفەتێک بقۆزێتەوە ئەگەر ئەستێرە بەرازیلییەکە بڕیاری ڕۆیشتن بدات بیگوازێته‌وه ریزه‌كانی.
Manchester United have made contact with the representatives of unsettled Vinícius Júnior, according to reports 😳🗞️ pic.twitter.com/6ECQFygmfO
— LiveScore (@livescore) November 28, 2025
مانچێستەر پەیوەندیی دەستپێکردووە
بەپێی راپۆرتێکی ماڵپەڕی کۆت ئۆفساید، مانچێستەر یونایتد، پەیوەندی بە نوێنەرانی ڤینیسیۆسەوە کردووە، بەو پاساوەی کە دۆخی یاریزانەکە لە ریاڵ مەدرید جێگیر نییە. ئەم هەنگاوە ئاماژەیە بۆ نییەتی جدی یانە ئینگلیزییەکە بۆ گرێبەستێکی مێژوویی.
💣🚨🚨BREAKING: Manchester United have made contact with the representatives of an unsettled Vinícius Júnior to gain a clearer understanding of his situation.
What if Manchester United is the club where Vinícius eventually wins the Ballon d’Or? 😱 pic.twitter.com/YkCzJyzS0E
— mufcytp (@mufcytp) November 28, 2025
ئەم جووڵانە هاوکاتە لەگەڵ پڕۆژە نوێیەکەی روبێن ئەمۆریم لە ئۆڵد ترافۆرد، کە بەدوای هێرشبەرێکی ئاستبەرزدا دەگەڕێت توانای گۆڕینی ئەنجامی یارییەکانی هەبێت، ئه‌م تایبه‌تمه‌ندیه‌ش لە ڤینیسیۆس هەیە.
گرژی لەگەڵ چابی ئاڵۆنسۆ
بەپێی سەرچاوەکە، هۆکاری سەرەکی ئەم دەنگۆیانە دەگەڕێتەوە بۆ گرژی لە نێوان ڤینیسیۆس و چابی ئاڵۆنسۆی راهێنەری نوێی ریاڵ مەدرید.
بەشێک لەم ناکۆکییانە لە یاری کلاسیکۆدا دەرکەوت کە ریاڵ 2-1 یارییەکەی بردەوە، کاتێک ڤینیسیۆس لە کاتی گۆڕانکاریپێکردنیدا زۆر تووڕە دیار بوو، ڕاپۆرتەکان باسیان لە ئاڵوگۆڕکردنی قسەی توندی نێوان یاریزانەکە و راهێنەرەکە كرد.
رێگرییەکان: خۆشەویستیی پێرێز و مووچەی خەیاڵی
سەرەڕای کێشەکان لەگەڵ راهێنەر، بەڵام سەرچاوەکان دەڵێن ریاڵ مەدرید بەهیچ شێوەیەک نایەوێت ڤینیسیۆس بفرۆشێت، چونکە پەیوەندیی لەگەڵ فلۆرێنتینۆ پێرێز زۆر بەهێزە و سەرۆکی یانەکە بە کۆڵەکەی پڕۆژەکەی دەزانێت.
لە لایەکی ترەوە، بەربەستێکی گەورە لەبەردەم مانچێستەر هەیە، ئەویش مووچەیە. ڤینیسیۆس ئێستا هەفتانە 350 هەزار پاوەند وەردەگرێت و بۆ نوێکردنەوەی گرێبەستەکەی داوای مووچەی زیاتریش دەکات. ئەم ژمارانە پێچەوانەی ئەو سیاسەتە نوێیەی مووچەی مانچێستەر یونایتدە کە دەیانەوێت خۆیان لە مووچەی خەیاڵی بەدوور بگرن.
