یاریگا –
شەوی رابردوو نێیمار دا سیلڤا لە کاتێکی ئێجگار هەستیاردا کە سانتۆسی پێدا تێپەڕدەبێت، بووە فریادڕەسیی یانەکەی و رۆشناییەکانی بۆ لای خۆی راکێشت.
سانتۆس لە دۆخێکی سەختدایە بەهۆی ئەنجامە خراپەکانی ئەم وەرزەی لە خولی ئیسپانی و مەترسیی دابەزینی لەسەرە. بەڵام نێیمار توانی لە یارییەکەدا بە گۆڵێک و ئەسێستێک کە 3-0 لە سپۆرت ریسیفەیان بردەوە، هیوایەکی گەورە بۆ مانەوە لە خولی بەڕازیلی بە هاوتیمەکانی ببەخشێت. ئەوە سەرەڕای ئەوەی لەلایەن دکتۆرانی سانتۆسەوە ستافی راهێنەرایەتی ئاگەدارکاربوونەوە بۆ پشووپێدانی زیاتر بە کاپتنەکەیان بەهۆی ئەو پێکانەی لە ئەژنۆیدا دروستبووە. پێکانێک کە رەنگە ئەگەر لێی ئاڵۆزتر بکات ئەوا خەونی بەشداریکردنی لەگەڵ سامبا بۆ مۆندیالی 2026 لەبار ببات.
🎥 | نێیمار ئامۆژگاری پزیشکان پشتگوێدەخات و جادوو لەنێو یاریگا دەکات
ئێستا سانتۆس کە لە پلەی 15ی خولەکەدایە و تەنها 2 خاڵ لەناوچەی دابەزین دوورە، تەنها 2 یارییشیان لەبەردەم ماوە، بەرامبەر یوڤێنتود و کروزیرۆ تا چارەنووسی خۆیان لە دابەزین بپارێزن. لەدوای یارییەکەی شەوی رابردوویان نێیمار وتی
لە رووی جەستەییەوە باشم. وا هەستدەکەم رۆژ لەدوای رۆژ باشتر دەبم. ئەم پێکانە ناخۆش و بێزارکەرە، بەڵام ئەو شتەش نییە کە بموەستێنێت. بۆیە بەدڵنیاییەوە بۆ یاریی داهاتوو (پێنجشەممە بەرامبەر یوڤێنتود) ئامادەدەبم.
🗣️Neymar –
“Physically, I’m doing well, I feel like I’m getting better day by day. This injury is sad and annoying, but it’s not something that will stop me.
“I’ll definitely be there in next game too.”pic.twitter.com/YCrrIQem3R
— Ney (@Neycromancer) November 29, 2025
