یاریگا –
ناسر لارگێت، بەڕێوەبەری پێشووی ئەکادیمیای محەمەدی شەشەم بۆ تۆپی پێ، پەردەی لەسەر وردەکاریی و هۆکارەکانی پشت بڕیارەکەی لامین یامال لادا، کە یاری بۆ هەڵبژاردەی ئیسپانیا هەڵبژارد لە بری ئەوەی نوێنەرایەتی مەغریب بکات.
لە چاوپێکەوتنێکدا لەگەڵ تۆڕی RMC Sportی فەرەنسی، لارگێت کە لە نێوان ساڵانی 2007بۆ 2019 ئەندازیاری پەرەپێدانی تۆپی پێی مەغریب بووە، ئاشکرایکرد کە کێشەی سەرەکی لە کاتـدا بووە.
🇲🇦 💫 من المغرب إلى برشلونة.. هكذا بدأت رحلة نجومية اللاعب المغربي الأصل لامين يامال pic.twitter.com/4BchF04QcG
— الشرق رياضة (@AsharqSports) September 12, 2025
پەیوەندیی درەنگوەخت
بەپێی سەرچاوەکە، بەرپرسانی فیدراسیۆنی مەغریب زۆر درەنگ پەیوەندییان بە ئەستێرەکەی بارسێلۆنا کردووە. لارگێت دەڵێت،
“هەوڵەکان بۆ رازیکردنی یامال هەر لە سەرەتاوە وەک جەنگێکی دۆڕاو وابوون، چونکە ئەو کاتەی پەیوەندی پێوەکرا، یامال وەک ئەستێرەیەک لە جیهانی تۆپی پێدا دەرکەوت بوو .”
💬 “Vous tapez à sa porte mais…”
🇲🇦 Pourquoi Lamine Yamal a dit non au Maroc ?https://t.co/lOKcIEwEXg pic.twitter.com/icBgvA8U7O
— RMC Sport (@RMCsport) November 28, 2025
لارگێت بۆ RMC Sport روونیکردەوە،
“من لەو کاتەدا لە پۆستەکەم نەبووم، بەڵام ئێمە جاران لە تەمەنی بچووکەوە (15ساڵی) کارمان لەسەر یاریزان دەکرد. کاتێک یاریزانێک دەگاتە ئاستی تیپی یەکەم، گۆڕینی بڕیارەکەی ئەگەر 100٪ مەحاڵ نەبێت، ئەوا 80٪ مەحاڵە.”
یامال دەیزانی دەچێتە هەڵبژاردەی یەکەمی ئیسپانیا
بە گوێرەی راپۆرتەکە، لامین یامال لە چاودێریی وردی ئیسپانیادا بووە و کاتێک مەغریب پەیوەندی پێوە کردووە، ئەو زانیویەتی کە بانگهێشتی هەڵبژاردەی یەکەمـی ئیسپانیا دەکرێت، بۆیە دوای بانگهێشتکردنەکە راستەوخۆ بابەتەکە کۆتایی هات.
پەیوەندی بە ژێرخانەوە نەبوو
سەرچاوەکە جەخت لەوە دەکاتەوە کە بڕیارەکەی یامال پەیوەندی بە کێشەی ژێرخانی وەرزشی یان ئاستی هەڵبژاردەی مەغریبەوە نەبووە، بەڵکو دەستکەوتی مەغریب لە مۆندیالی قەتەر و گەیشتن بە پلەی چوارەم، دەرفەتێکی باش بوو بۆ رازیکردنی، بەڵام دواکەوتنی پەیوەندییەکان رۆڵی نەرێنی گێڕا.
چارەسەر: دۆزینەوەی بەهرەکان لە تەمەنی منداڵیدا
ناسر لارگێت، کە پێشتر رۆڵی هەبووە لە رازیکردنی ئەشرەف حەکیمی بۆ یاریکردن بۆ مەغریب، ئاماژەی بەوە كرد، کلیلی سەرکەوتن بریتییە لە پەیوەندیکردن بە یاریزانە دوو رەگەزنامەکانەوە پێش ئەوەی تەمەنیان بگاتە 15 ساڵ.
لە کۆتاییدا بە خەمبارزییەوە گوتی،
“ئەگەر پێش تەمەنی 15ساڵی یامالمان رازیكردبا، ئێستا لەگەڵ ئیسپانیا لە دۆخێکی یەکساندا دەبووین.”
