یاریگا –
ئازاری فڕانکۆ ماستانتونۆ لە ناوچەی حەوز (فتقی وەرزشی) کەمبووەتەوە.
بەر لە یاریی بەرامبەر جیڕۆنا کە بڕیارە سبەی یەکشەممە بکرێت، ماستانتونۆ مەشقە بە کۆمەڵەکانی دەستپێکردەوە.
رۆژنامەی ئاس بڵاویکردووەتەوە، بە ئەگەرێکی زۆر ماستانتونۆ ناوی لە لیستی چابی ئاڵۆنسۆ بۆ یارییەکەی جیڕۆنا دەبێت، هەروەها ئانتۆنیۆ رودیگەر و ئیدێر میلیتاویش دەگەڕێنەوە.
ئەمڕۆ شەممە، مەدرید دوا یەکەی مەشق بەر لە یارییەکە دەکات و پێشبینیدەکرێت، دوای تەواوبوونی مەشقەکانی ئەمڕۆ، ئاڵۆنسۆ بە راوێژ لەگەڵ ستافی پزیشکی یانەکە، دوا بڕیاربدەن.
ماستانتونۆ بەهۆی ئازارەوە چەند هەفتەیەکە لە یارییەکان دابڕاوە، ئەستێرە ئەرجەنتینییەکە بەشداری یارییەکانی بەرامبەر لیڤەرپوول، رایۆ ڤاییکانۆ، ئێڵچێ و ئۆڵمپیاکۆس نەکرد.
🙌 ¡Preparando el partido ante el @GironaFC!
INSIDE TRAINING → RM Play— Real Madrid C.F. (@realmadrid) November 28, 2025
گەڕانەوە میلیتاو و رودیگەر
میلیتاو لە یارییەکەی بەڕازیل بەرامبەر توونس تووشی پێکانبوو، بەرگریکارە بەڕازیلییەکە بەشداری لە دوا دوو یاریی مەدرید نەکرد و گومانێکی زۆریش لەسەر ئامادەیی دین هاوسن بۆ یارییەکەی جیڕۆنا هەیە، دوای بەرکەوتنێکی توندی ئەژنۆ لە یاریی پێشووی بەرامبەر ئێڵچێ.
لەلایەکی دیکەوە، رودیگەر لە سێپتێمبەر/ئەیلوولی رابردووەوە لە یاریگاکان دوورکەوتووەتەوە، لەم وەرزەدا تەنیا بەشداری یارییەکەی بەرامبەر ریال ئۆڤیێدۆی کردووە.
مەدرید بە جیاوازی یەک خاڵ لەگەڵ بارسێلۆنا، پێشەنگی لالیگای گرتووە.
