یاریگا –
ڤینیسیۆس جونیۆر، ئەستێرەی بەڕازیلی یانەی ریال مەدریدی ئیسپانی داهاتووی خۆی لەگەڵ یانەكەی یەكلاییكردەوە.
ڤینیسیۆس لە هاوینی 2018 لە ریزەكانی فلامینگۆی بەڕازیلی بە بەهای 45 ملیۆن یۆرۆ پەیوەندی بە ریال مەدریدەوە كردووە و گرێبەستەكەی لە 2027 بەسەردەچێت.
⚡️Vinicius Junior informed Real Madrid president Florentino Perez that he does not intend to renew while his relationship with Xabi Alonso remains strained
➕Talks over an extension are stalled@TheAthleticFC https://t.co/P0RtnadfxN— Mario Cortegana (@MarioCortegana) November 24, 2025
بە گوێرەی زانیارییەكانی ئاتلێتیک، ڤینیسیۆس جونیۆر بە فەرمی فلۆرینتینۆ پێرێزی ئاگاداركردووەتەوە كە نایەوێت گرێبەستەكەی لەگەڵ ریال مەدرید نوێبكاتەوە تاوەكو ئەوكاتەی پەیوەندی لەگەڵ چابی ئاڵۆنسۆ بە ئاڵۆزی بمێنێتەوە.
ڤینیسیۆس پێی وایە لە هەبوونی چابی ئاڵۆنسۆ نوێكردنەوەی گرێبەستەكەی بڕیارێكی درووست نییە.
ئەستێرە بەڕازیلیەكە لەگەڵ فلۆرێنتینۆ پێرێز كۆبوویەوە بۆ ئەوەی داوای لێبوردنی لێبكات دوای رووداوەكانی یاریی كلاسیكۆ، لەو كۆبوونەوەیەدا باسی نوێكردنەوەی گرێبەستەكەی كراوە و پێی گوتووە بەهۆی پەیوەندی لەگەڵ ئاڵۆنسۆ گرێبەستەكەی نوێناكاتەوە.
گفتوگۆگانی نوێكردنەوەی گرێبەستی ڤینی و ریال مەدرید وەستاون، یانەكە ئۆفەرێكیان بە مووچەی ساڵانەی 20 ملیۆن یۆرۆ پێشكەشكردووە و ڤینیش رەتیكردووەتەوە و داوای مووچەی ساڵانەی 30 ملیۆن یۆرۆی كردووە كە لە مێژووی یانەكەدا تەنیا كریستیانۆ رۆناڵدۆ ئەو رێژەی وەرگرتووە.
ڤینیسیۆس بڕوای وایە چابی ئاڵۆنسۆ نادادپەروەرانە مامەڵەی لەگەڵدا دەكات
ڤینی لەم وەرزەدا لەگەڵ ریال مەدرید بەشداری لە 17 یارییكردووە و توانیویەتی پێنج گۆڵ بكات و چوار گۆڵیش درووست بكات.
