دوایین پەرەسەندن لەبارەی دۆخی ئێندریک لە ریال مەدرید
فابریزیۆ زانیاری نوێ ئاشکرا کردووە
یاریگا –
گفتوگۆکانی نێوان ریال مەدرید و ئۆڵمپیک لیۆن گەیشتوونەتە قۆناخێکی پێشکەوتوو.
فابریزیۆ رۆمانۆ، رۆژنامەنووسی دیاری مێرکاتۆی یاریزانان ئاشکرایکردووە، ریال مەدرید ئامادەیە لە مێرکاتۆی زستانەی داهاتوو، رێگە بە گواستنەوەی ئێندریک بەخواستن بدات، بەبێ ئەوەی مەرجی گواستنەوەی هەمیشەیی لە گرێبەستەکەدا بنووسن.
ئێندریک لە ریال مەدرید بێزاربووە و بۆ پەیوەندیکرن بە لیۆن بەپەرۆشە، چونکە لە بژاردەکانی چابی ئاڵۆنسۆدا نییە.
ریال مەدرید رەزامەندی دەربڕیوە، بەڵام تەنیا بەخواستن دەستبەرداری دەبێت و رێگە نادات مەرجی گواستنەوەی هەمیشەیی لە گرێبەستەکەدا جێبکەنەوە.
🚨🔴🔵 Olympique Lyon and Endrick, exclusive story from October set to become reality soon.
The agreement between clubs, also very advanced on straight loan with no buy option clause included.
Endrick wants OL move. 🔜🇧🇷 pic.twitter.com/6VofIgX0gh
— Fabrizio Romano (@FabrizioRomano) November 11, 2025
لەم وەرزەدا ئێندریک تەنیا بەشداری لە 11 خوولەکدا کردووە، ئەویش لە یارییەکەی بەرامبەر ڤالێنسیا بوو، کاتێک چووە شوێنی کیلیان ئێمباپێ.
ئێندریکی تەمەن 19 ساڵان دەیەوێت بەهەر شێوەیەک بێت، لە پێکهاتەی سەرەکی یانەیەک یاریی بکات، تاوەکو هیوای بەشداریکردنی لە مۆندیالی 2026 لەگەڵ هەڵبژاردەی بەڕازیلدا هەبێت.
ئەستێرە لاوەکە 14 یاریی نێودەوڵەتی لەگەڵ بەڕازیل کردووە و تەنیا لە دوو یاریدا سەرەکی بووە.
