رۆما رکابەری بەدەستهێنانی واژۆی ناوەڕاستکارەکەی شەیتانە سوورەکان دەکات
رۆما ئەرکی ناپۆلی قورستر دەکات
یاریگا –
رۆما ئامادەیە رکابەری لەگەڵ ناپۆلی بکات بۆ گواستنەوەی کۆبی مێینووی یاریزانی مانچێستەر یونایتد.
ئەوەی لە مانگی ئابدا وەک دەنگۆیەک لە میدیاکانی بەریتانیا دەستیپێکرد، ئێستا دەگۆڕێت بۆ بابەتێکی جددی کە پێویستە لە نزیکەوە بەدواداچوونی بۆ بکرێت. یاریزانە تەمەن 20 ساڵەکەی مانچێستەر یونایتد فشار دەخاتە سەر دەستەی کارگێڕی و ستافی راهێنەرایەتی بۆ ئەوەی کاتێکی زیاتری یاریکردنی پێبدەن و یونایتد پێویستی بە بڕیارێک هەیە.
مێینوو گرێبەستی لەگەڵ یونایتد دوو ساڵی ماوە، لەگەڵ بژاردەی درێژکردنەوەی گرێبەستەکەی بۆ ماوەی 12 مانگ. هەروەها دەگوترێت نوێنەرەکانی پەیوەندییەکی باشییان لەگەڵ یانەکەدا هەیە. بەڵام ناپۆلی هێشتا گرنگی بەو یاریزانە ناوەڕاستکارە دەدات، کە دەتوانێت یونایتد ناچار بکات لە هەفتەکانی داهاتوودا بڕیار لەسەر داهاتووی بدات.
🚨 Napoli have made contact with Manchester United over a January loan deal for England midfielder Kobbie Mainoo.
(Source: Gazzetta dello Sport)
The 20-year old is also a wanted by another Serie A club with Roma interested in a January deal.
(Source: Football Italia) pic.twitter.com/tPhWffVu1y
— Transfer News Live (@DeadlineDayLive) November 8, 2025
بەگوێڕەی زانیارییەکان دەستەی کارگێڕی یانەکە بەهای فرۆشتنی مێینویان لە نێوان 45 بۆ 50 ملیۆن یۆرۆ داناوە. بەو پێیەش پێدەچێت ناپۆلی لە گواستنەوەی زستانەدا هەوڵی گواستنەوەی بە خواستن بدات.
مانچێستەر یونایتد هەروەها وریایە و دەزانێت لە گواستنەوەکانی ئەم دواییەدا هەڵەیان کردووە، دیارترینیان فرۆشتنی سکۆت مەکتۆمینایە بۆ ناپۆلی. ماڵپەڕی فووتباڵ ئیتاڵیا بانگەشەی ئەوە دەکات کە رۆما لە چەند رۆژی رابردوودا بیری لە گواستنەوەی مێینو کردووەتەوە. جیالۆرۆسی چاوی لەوەیە لە مانگی یەکدا ناوەڕاستکارێکی سوپەر بگوازێتەوە ریزەکانی و ئامانجیشیەتی یاریزانێک بگوازێتەوە کە بتوانێت لە چەندین پۆستدا یاری بکات. بڕیاری کۆتایی هەمووی پەیوەستە بەو بەهایەی یونایتد بۆ ناوەڕاسکارەکەی دایناوە لەگەڵ ئەو ئۆفەرانەی پێشەکشیان دەکرێت.
